Ithemba lifaniswa lesikhonkwane. (Heb 6:19) Liyasinceda ukuthi sihlale siqinile ekukhonzeni lanxa singahlaselwa yizilingo ezingafaniswa lesiphepho. (1Tim 1:18, 19) Isiphepho singatsho ukudana okubangelwa ngamaphutha esiwenzayo, ukulahlekelwa zimpahla zethu, ukugula okwesikhathi eside, ukufelwa kumbe okunye okungahlasela ubuqotho bethu.

Ukholo lethemba kungenza sizibone ngokucacileyo izithembiso eziphambi kwethu. (2Khor 4:16-18; Heb 11:13, 26, 27) Yikho loba yiliphi ithemba esilalo lingaba ngelokuyaphila ezulwini loba elokuphila lapha emhlabeni kumele sihlale sicabangisisa ngezithembiso eziseLizwini likaNkulunkulu. Singenza njalo sizenelisa ukuhlala sithokoza lanxa siphakathi kwezinhlupho.—1Phe 1:6, 7.

BUKELANI IVIDIYO ETHI THOKOZANI NGOKUBA LETHEMBA BESE LIPHENDULA IMIBUZO ELANDELAYO:

• Kungani uMosi eyisibonelo esihle esingasilingisela?

• Izinhloko zemuli kumele zenzeni?

• Lingaxoxa ngani eKukhonzeni Kwemuli?

• Ithemba lingakunceda njani ukuthi ubekezele nxa uhlangana lezilingo?

• Yikuphi okulindele ngabomvu?