Ngesikhathi uJesu elapha emhlabeni wagcizelela kakhulu umlayo othi: “Hlonipha uyihlo lonyoko.” (Eks 20:12; Mt 15:4) UJesu wayewatsho ekhululekile amazwi la ngoba ‘wayehlala ebalalela’ abazali bakhe esakhula. (Luk 2:51) Wathi esekhulile waba leqiniso lokuthi unina uzasala enakekelwa nxa yena engasekho.​—Joh 19:26, 27.

Lalamuhla amaKhristu asakhulayo atshengisa ukuthi ayahlonipha abazali ngokubalalela langokukhuluma labo ngenhlonipho. Umlayo lo kawuphelelwa yisikhathi. Lanxa abazali sebeluphele kufanele siqhubeke sibahlonipha ngokulalela izeluleko zabo. (Zag 23:22) Singatshengisa ukuthi siyabahlonipha abazali bethu asebekhulile ngokubanakekela. (1Tim 5:8) Ukuze kube lula ukuhlonipha abazali bethu kufanele sikhulume labo kuhle ngaso sonke isikhathi kungelani lokuthi sesileminyaka emingaki.

BUKELANI UMDWEBO WABOPOPAYI OLESIHLOKO ESITHI NGINGAKHULUMA NJANI LABAZALI BAMI?, BESELIPHENDULA IMIBUZO ELANDELAYO:

• Kuyini okungenza kube nzima ukuthi uxoxe labazali bakho?

• Ungatshengisa njani ukuthi uyabahlonipha abazali bakho nxa uxoxa labo?

• Kunceda ngani ukukhuluma labazali bakho? (Zag 15:22)