KUNGANI KUQAKATHEKILE: Nxa “izifiso zenhliziyo yomuntu zingamanzi azikileyo,” imibuzo yona injengebhakede umuntu alisebenzisayo ukuthi azikhiphe. (Zag 20:5) Imibuzo yenza ukuthi esixoxa laye akhulume. Izimpendulo zemibuzo ekhethwe kuhle zingenza wazi okusenhliziyweni yalowo oxoxa laye. UJesu wayebuza imibuzo eyayisenza ukuthi azi okusezinhliziyweni zalabo ayexoxa labo. Pho thina singamlingisela njani?

INDLELA YOKUKWENZA:

• Buza imibuzo ezayenza oxoxa laye atsho akucabangayo. UJesu wabuza imibuzo ukuze azi ukuthi abafundi bakhe bacabangani. (Mt 16:13-16; be-ZU 238 ¶4-6) Yiphi imibuzo ongayibuza ukuze wazi ukuthi oxoxa laye ucabangani?

• Buza imibuzo ezakhanyisa impendulo. UJesu wabuza uPhetro imibuzo eyayilezimpendulo ukuze uPhetro akhethe eqondileyo njalo alungise ukucabanga kwakhe okwakungaqondanga. (Mt 17:24-26) Yiphi imibuzo ongayibuza ukuze uncede othile ukuthi azi okuqondileyo?

• Ncoma oxoxa laye. UJesu wancoma umfundisi womthetho ‘owaphendula kuhle.’ (Mk 12:34) Ungamncoma njani umuntu ophendule umbuzo obuwubuzile?

BUKELANI INGXENYE YOKUQALA YEVIDIYO ETHI YENZA UMSEBENZI UJESU AWENZAYO​—FUNDISA, BESELIPHENDULA IMIBUZO ELANDELAYO:

• Lanxa okukhulunywe ngumfowethu kuqondile, kungani indlela le yokufundisa ingaqondanga?

• Kungani kungamelanga siphonguchasisa nje okufundwa ngakho?

BUKELANI INGXENYE YESIBILI YEVIDIYO LE, BESELIPHENDULA IMIBUZO ELANDELAYO:

• Umfowethu uyisebenzise njani imibuzo?

• Yikuphi esibonileyo esingakulingisela?