Nxa ungummemezeli osakhulayo ongakabhabhathizwa kumbe usafunda iBhayibhili, uyafisa yini ukubhabhathizwa? Kungani kumele ube lesifiso sokubhabhathizwa? Ukuzinikela lokubhabhathizwa kwenza ube lobudlelwano obuhle loJehova. (Hu 91:1) Kanti njalo kungenza usinde. (1Pe 3:21) Ungenzani ukuze uzinikele njalo ubhabhathizwe?

Hlolisisa ukuthi okufundayo kuliqiniso yini. Nxa ungaba lemibuzo, chwayisisa. (Rom 12:2) Dinga ukuthi kungaphi lapho okumele utshintshe khona futhi uzimisele ukwenza njalo ufuqwa yisifiso sokuthokozisa uJehova. (Zag 27:11; Efe 4:23, 24) Hlala uthandaza kuye umcela ukuthi akuncedise. Ungathandabuzi ukuthi uJehova uzakuqinisa njalo akusekele esebenzisa umoya ongcwele. (1Pe 5:10, 11) Ungazimisela ukwenza lokhu uzathola izibusiso ezinengi. Akukho okunye okungcono ongakwenza empilweni okwedlula ukukhonza uJehova!—Hu 16:11.

BUKELANI IVIDIYO ETHI ONGAKWENZA UKUZE UBHABHATHIZWE, BESELIPHENDULA IMIBUZO ELANDELAYO:

• Yibuphi ubunzima abanye ababunqobileyo ukuze babhabhathizwe?

• Ungenzani ukuze ube lokholo oluzakufuqa ukuthi uzinikele kuJehova?

• Kuyini okuncede abanye ukuthi bazimisele ukwenza konke okumele bakwenze ukuze babhabhathizwe?

• UJehova ubabusisa njani labo abakhetha ukumkhonza?

• Kutshoni ukuzinikela lokubhabhathizwa?