UJehova wahlela abantu bako-Israyeli, lalamuhla uhlele abantu bakhe ukuthi benze intando yakhe. Emhlabeni jikelele amawofisi amagatsha, iziqinti, amabandla kanye lamaqembu okutshumayela asebenza ndawonye ukuze umsebenzi wokutshumayela izindaba ezinhle uqhubekele phambili. Sitshumayeza abantu bonke okugoqela lalabo abakhuluma olunye ulimi.—Sam 14:6, 7.

Sewake wacabanga yini ukufundela olunye ulimi ukuze uncede abanye bafunde iqiniso? Lanxa ungelaso isikhathi sokufunda olunye ulimi, ungasebenzisa i-JW Language ukuze ufundele intshumayelo elula. Nxa ungayisebenzisa ekutshumayeleni uzathokoza njengamaKhristu akuqala. Athokoza okwamagama ngesikhathi abantu ababevela kwamanye amazwe besizwa “izinto ezimangalisayo zikaNkulunkulu” ngendimi zabo.—ImiS 2:7-11.

BUKELANI IVIDIYO ETHI WOBA NGUMNGANE KAJEHOVA—TSHUMAYELA NGOLUNYE ULIMI, BESELIPHENDULA IMIBUZO ELANDELAYO:

• Ungayisebenzisa nini i-JW Language?

• Kuyini okunye okutholakala kuyo?

• Yiziphi indimi ezikhulunywa ngabantu abasensimini yenu?

• Kuyini okumele ukwenze nxa ungahlangana lomuntu olesifiso sokufunda iBhayibhili kodwa ekhuluma olunye ulimi?—od 101-102 ¶39-41