IMPILO YAMAKHRISTU
Sifundani KuSamuyeli?
USamuyeli wahlala ethembekile kuJehova okwempilo yakhe yonke. Esasemncane, wala ukulingisela amadodana ka-Eli ayexhwalile, uHofini loFinehasi. (1Sa 2:22-26) UJehova waqhubeka elaye uSamuyeli ngesikhathi ekhula. (1Sa 3:19) Lalapho esekhulile, waqhubeka ekhonza uJehova ethembekile lanxa amadodana akhe wona ayengathembekanga.—1Sa 8:1-5.
Sifundani kuSamuyeli? Nxa ungosakhulayo, qiniseka ngokuthi uJehova uyabuzwisisa ubunzima ohlangana labo lendlela ozizwa ngayo. Uzakuncedisa ukuthi ube lesibindi. (Isy 41:10, 13) Nxa ungumzali olomntwana owatshiya ukukhonza uJehova, ungaduduzwa yikwazi ukuthi uSamuyeli wayengeke abambe ngamandla amadodana akhe ayesekhulile ukuthi ahlale eqotho kuJehova. Watshiyela uJehova indaba le, yena waqhubeka eqotho futhi ethokozisa uYise osezulwini uJehova. Mhlawumbe ukuqhubeka uthembekile kungenza umntanakho afune ukubuyela kuJehova.
BUKELANI IVIDIYO ETHI FUNDA KUBO—USAMUYELI, BESELIPHENDULA IMIBUZO ELANDELAYO:
-
USamuyeli watshengisa njani ukuthi ulesibindi esesemncane?
-
UDanny utshengise njani ukuthi ulesibindi?
-
USamuyeli esekhulile watshengisa njani ukuthi uyisibonelo esihle?
-
UJehova uyabasekela labo abaqhubeka bezimisele ukwenza okuhle
Kuyini okwenziwa ngabazali bakaDanny okutshengisa ukuthi bayisibonelo esihle?
