ZINIKELE EMSEBENZINI WOKUTSHUMAYELA | THOKOZA KAKHULU ENKONZWENI YAKHO
Ncedisa Ofunda Labo IBhayibhili Ukuthi Bangene Imihlangano Yebandla
Imihlangano yebandla iyingxenye eqakathekileyo yokukhonza kweqiniso. (Hu 22:22) Bonke ababuthanayo ukuthi bakhonze uJehova bathola intokozo lezibusiso. (Hu 65:4) Esifunda labo iBhayibhili bajayele ukuthuthuka masinyane nxa behlala bengena imihlangano yebandla.
Ungabanceda njani ofunda labo iBhayibhili ukuthi bangene imihlangano yebandla? Hlala ubanxusa ukuthi bayingene. Babukelise ividiyo ethi Kuyini Okwenzakala EWolu YoMbuso? Bachasisele ukuthi imihlangano inceda njani. (lff isifundo 10) Ungabatshela ngokunye okufunde emhlanganweni kumbe ubatshele ngalokho elizakufunda kolandelayo. Banike amabhuku azasetshenziswa njalo ubancede ngabakudingayo. Engxenye bangabe befuna ukuthi udlule ubathatha. Uzathokoza ngakho konke oyabe ukwenzile nxa umfundi wakho engangena umhlangano webandla okokuqala.—1Kr 14:24, 25.
BUKELANI IVIDIYO ETHI NCEDISA OFUNDA LABO IBHAYIBHILI UKUTHI BANGENE IMIHLANGANO YEBANDLA, BESELIPHENDULA IMIBUZO ELANDELAYO:
-
UNeeta wasebenzisa liphi ithuba ukuthi anxuse uLanga ukuthi abuye emhlanganweni webandla?
-
Kungani sithokoza nxa umfundi weBhayibhili engena imihlangano yebandla?
-
“UNkulunkulu uphakathi kwenu sibili”
ULanga wezwa njani aze angene umhlangano webandla okokuqala?
