Sifuna ukuthokozisa uJehova kukho konke esikwenzayo. (Zag 27:11) Yikho kumele senze izinqumo ezihambelana lendlela acabanga ngayo lanxa kungelamthetho ophathelane lesinqumo esifuna ukusenza. Kuyini okungasinceda ukuthi sikwenze lokho?

Hlala utaditsha iBhayibhili. Sonke isikhathi nxa sibala iBhayibhili kuyabe kungathi silalele uJehova ekhuluma lathi. Singafunda indlela acabanga ngayo ngokunanzelela indlela aphatha ngayo abantu bakhe langokuhlola izibonelo zabantu ababesenza okulungileyo lababesenza okubi. Nxa kumele senze isinqumo, umoya ongcwele uzasikhumbuza izifundo eziqakathekileyo esazifunda eLizwini likaNkulunkulu.—Joh 14:26.

Chwayisisa. Nanku umbuzo ongazibuza wona nxa kulesinqumo okumele usenze: ‘Yiwaphi amavesi kumbe izindaba eziseBhayibhilini ezinganginceda ngizwisise ukuthi uJehova uthini ngendaba le?’ Thandaza ucele uJehova akuncedise njalo usebenzise amabhuku okuchwayisisa akhona ngolimi lwakho ukuze uthole futhi usebenzise izimiso eziseBhayibhilini ezihambelana lalokho ofuna ukukwenza.—Hu 25:4.

BUKELANI IVIDIYO ETHI “KASIGIJIMENI NGOKUBEKEZELA”—DLANA UKUDLA OKWAKHA UMZIMBA, BESELIPHENDULA IMIBUZO ELANDELAYO:

• Udadewethu osakhulayo okuvidiyo wahlangana labuphi ubunzima?

  textarea-1

• Ungawasebenzisa njani amabhuku okuchwayisisa nxa ungahlangana lobunzima obuhambelana lobukadadewethu?

  textarea-2

• Ukuchwayisisa lokutaditsha kusinceda njani ukuthi senze izinqumo ezinhle?—Heb 5:13, 14

  textarea-3