Minyaka yonke abantu bakaJehova bahlala bekulindele ngabomvu ukunanza iSikhumbuzo ndawonye. Kusasele amaviki amalutshwana ukuthi sinanzwe langemva kwaso, kukhona esikwenzayo ukuze sidumise uJehova futhi simbonge ngesipho senhlawulo. (Efe 1:3, 7) Ngokwesibonelo, siyazimisela sibili ukunxusa abanye kuso. Abanye bayatshintsha inhlelo zabo ukuze baphayone ngenyanga kaMarch kumbe eka-April, bebika amahora angu-30 kumbe angu-50. Lawe ungafuna yini ukwengeza isikhathi osiqeda utshumayela ngesikhathi seSikhumbuzo? Kuyini okungakunceda?

Izikhathi ezinengi lokho esifuna ukukwenza kuyaphumelela nxa singakuhlela kuseselesikhathi. (Zag 21:5) Khathesi yiso isikhathi sokuqalisa ukwenza inhlelo eziphathelane leSikhumbuzo njengoba sesiseduze. Cabanga ngalokho ongakwenza ukuze wenze okunengi ekutshumayeleni ngesikhathi leso langalokho okuzamele ukwenze ukuze okuhlelileyo kuphumelele. Nxa usukwenzile lokho, cela uJehova abusise ozakwenza.—1Jo 5:14, 15.

Kukhona yini ongakwenza ukuze wengeze isikhathi osiqeda ekutshumayeleni ngesikhathi seSikhumbuzo?