Ezinsukwini lezi zokucina sihlangana lenhlupho ezinengi. Kwezinye izikhathi singezwa angathi inhlupho zethu sezisikhulela. Kodwa nxa singaqhubeka sisondela kuJehova uzasincedisa siqinisele ngitsho lasebunzimeni obungakhanya bungaphezu kwamandla ethu. (Isy 43:2, 4) Singasondela njani kuJehova nxa sisebunzimeni?

Ukuthandaza. Nxa singakhuleka kuJehova ngenhliziyo yonke uzasinika ukuthula esikudingayo kanye lamandla okuthi siqinisele.—Flp 4:6, 7; 1The 5:17.

Imihlangano Yebandla. Khathesi yikho esikudinga khona kakhulu ukufundiswa nguJehova kanye lokuba lobudlelwano labanye emihlanganweni yethu. (Heb 10:24, 25) Nxa silungiselela futhi singena imihlangano yebandla njalo siphendula kuyo siyabe sivumela ukuthi uJehova asincedise esebenzisa umoya wakhe.—Sam 2:29.

Ukutshumayela. Nxa singenza konke esingakwenza ukuze sihlale sitshumayela kuzakuba lula ukucabanga izinto ezinhle. Kanti njalo ubungane bethu loJehova kanye lalabo esitshumayela labo buzaqina.—1Kr 3:5-10.

BUKELANI IVIDIYO ETHI UJEHOVA UZAKWAMUKELA, BESELIPHENDULA IMIBUZO ELANDELAYO:

• Kuyini okwanceda uMalu ukuthi ahlale eseduze loJehova ngesikhathi esebunzimeni?

  textarea-1

• Amazwi akuHubo 34:18 angasiduduza njani nxa sisebunzimeni njengoMalu?

  textarea-2

• Okwenzakala kuMalu kutshengisa njani ukuthi uJehova uyasinika “amandla amakhulu futhi angajayelekanga” nxa sisebunzimeni?—2Kr 4:7

  textarea-3