ZINIKELE EMSEBENZINI WOKUTSHUMAYELA | THOKOZA KAKHULU ENKONZWENI YAKHO
Thinta Inhliziyo
Ukulalela uNkulunkulu kumele kusuke enhliziyweni. (Zag 3:1) Yikho nxa sifundisa kumele sizame ukuthinta izinhliziyo zalabo esibafundisayo. Singakwenza njani?
Ungaphongufundisa nje iqiniso eliseBhayibhilini kodwa nceda umfundi abone ukuthi angakusebenzisa njani lokho akufundayo empilweni yakhe lokuthi kumnceda njani ukuthi abe ngumngane kaJehova. Mncede azwisise ukuthi lokho okufundiswa liBhayibhili kutshengisa njani ukuthi uNkulunkulu ulothando, muhle njalo ulungile. Buza imibuzo ngendlela ezamenza azihlole ukuthi uzwa njani ngalokho akufundayo. Msize abone ukuthi impilo yakhe ingathuthuka njani nxa angalungisa imicabango engaqondanga alayo kumbe angatshiya umkhuba omubi. Uzathokoza kakhulu nxa ungabona ukuthi umfundi wakho umthanda ngenhliziyo yonke uJehova.
BUKELANI IVIDIYO ETHI THOKOZA EMSEBENZINI WOKWENZA ABAFUNDI—THUTHUKISA INDLELA OTSHUMAYELA NGAYO—THINTA INHLIZIYO, BESELIPHENDULA IMIBUZO ELANDELAYO:
-
Kungani uNeeta wabuza uLanga umbuzo othi: “Uke wacabanga ngalokho esikhulume ngakho ngeMonday?”
-
UNeeta wamnceda njani uLanga ukuthi abone ukuthi lokho okufundiswa liBhayibhili kutshengisa ukuthi uJehova uyamthanda?
-
Nxa singathinta inhliziyo yomfundi uzazimisela ukuthuthuka
UNeeta wamsiza njani uLanga wabona indlela angatshengisa ngayo ukuthi uyamthanda uNkulunkulu?
