Abafowethu basebenza nzima bebumba izingxoxo ezingasetshenziswa futhi abamemezeli abanengi bathi ziyasebenza. Lanxa kunjalo izimo ziyatshiyana emhlabeni jikelele. Yikho nxa besekutshumayeleni, abamemezeli bakhululekile ukutshintsha umbuzo levesi lombuzo wokuphindela okungxoxo engasetshenziswa esegwaleni kumbe ukusebenzisa esinye isihloko kusiya ngalokho okusebenzayo endaweni abakuyo. Kodwa nxa kusemkhankasweni kumele silandele iziqondiso esiziphiweyo. Inhloso yethu ngeyokulalela umlayo kaJesu wokuthi sitshumayele izindaba ezinhle zoMbuso.—Mat 24:14.

Nxa abamemezeli besenza izabelo zabafundi, kumele baxoxe ngendaba esengxoxweni engasetshenziswa eku-Gwalo Lomhlangano Lwempilo Lenkonzo (ngenyanga kaJuly lo-August, indaba okuxoxwa ngayo yinhloso kaNkulunkulu ngabantu). Kodwa nxa kungelaziqondiso ezinikiweyo, abamemezeli bakhululekile ukuzikhethela umbuzo levesi lombuzo wokuphindela ongasebenza endaweni abakuyo. Lokhu kutshintsha okwatshiwo kukhasi 8 logwalo lomhlangano lukaJune 2020.