UJehova ufuna ukuthi izimuli zithokoze. (Hu 127:3-5; Tsh 9:9; 11:9) Kodwa izinto ezenzakala emhlabeni lo lamaphutha enziwa ngabanye emulini kungaphambanisa intokozo esilayo. Manje kuyini okungenziwa ngumuntu ngamunye ukuze imuli ihlale ithokoza?

Indoda kumele iqakathekise umkayo. (1Pe 3:7) Kumele izinike isikhathi sokuba lomkayo. Akumelanga ikhangelele ukuthi angaphambanisi kodwa kumele iqakathekise akwenzayo. (Kol 3:15) Kumele imncome futhi imtshele ukuthi iyamthanda.—Zag 31:28, 31.

Inkosikazi kumele yenze konke okusemandleni ayo ukuze isekele umkayo. (Zag 31:12) Kumele izehlise futhi ibambisane lomkayo. (Kol 3:18) Kumele ikhulume lomkayo ngomusa futhi ikhulume kuhle ngaye.—Zag 31:26.

Abazali kumele bazinike isikhathi sokuba labantwababo. (Dut 6:6, 7) Kumele batshele abantwababo ukuthi bayabathanda. (Mat 3:17) Nxa belaya abantwababo batshengisa ukuthi bayabathanda lokuthi bayabazwisisa.—Efe 6:4.

Abantwana kumele bahloniphe futhi balalele abazali. (Zag 23:22) Kumele bakhululeke ukutshela abazali babo lokho abakucabangayo lokusezinhliziyweni zabo. Kumele bavume nxa belaywa futhi batshengise lokuthi bayabahlonipha.—Zag 19:20.

BUKELANI IVIDIYO ETHI THOKOZANI EMULINI, BESELIPHENDULA UMBUZO OLANDELAYO:

Kuyini okwenziwe ngumuntu ngamunye ukuze imuli ithokoze?