37:1, 2

• Ungavumeli ukuphumelela kwabantu ababi kukuphambanise ekukhonzeni uJehova. Hlala ucabanga ngezibusiso ozitholayo ekukhonzeni langalokho ohlela ukukwenza

37:3

• Methembe uJehova ukuthi uzakuncedisa kumnyama kubomvu. Uzakusiza ukuthi uhlale uthembekile

• Khuthala emsebenzini wokutshumayela izindaba ezinhle zoMbuso kaNkulunkulu

37:4

• Hlela isikhathi sokubala lokucabangisisa ngeLizwi likaNkulunkulu ulenhloso yokuba mazi kakhulu uJehova

37:5, 6

• Themba ngenhliziyo yonke ukuthi uJehova uzakuncedisa kuloba yiluphi uhlupho ongaba lalo

• Qhubeka usenza okulungileyo lanxa uphikiswa, uhlukuluzwa kumbe abantu bekhuluma kubi ngawe

37:7-9

• Ungenzi izinto ungazange uqale ucabange ngoba lokhu kungabangela ukuthi ucine ungaselaso isivikelo sikaJehova njalo ungasathokozi

37:10, 11

• Thobeka njalo usilindele ngesineke isikhathi lapho uJehova azakhupha khona bonke ububi ohlangana labo

• Ncedisa futhi ududuze abahlulukelweyo okhonza labo ngokubakhumbuza ngesithembiso sikaNkulunkulu somhlaba omutsha osuseduze