Minyaka yonke sisebenza nzima emkhankasweni wokunxusa abantu ukuthi babuye eSikhumbuzweni futhi abanengi bakhona asibazi. Kodwa kumele sinxuse labantu esibaziyo. Phela izikhathi ezinengi kulula ukuthi umuntu avume nxa enxuswa ngumuntu amjayeleyo. (yb08-ZU 11 ¶3; 14 ¶1) Ngobani abanye ongabanxusa?

• Izihlobo

• Osebenza labo kumbe ofunda labo

• Omakhelwane

• Abantu owake waxoxa labo ngeBhayibhili lalabo obafundisayo khathesi

Abadala bebandla bazanxusa lalabo abangasaqinanga ekukhonzeni. Kodwa ungenzani nxa umuntu ocabanga ukumnxusa ehlala khatshana? Ngena kuwebhusayithi yethu ukuze uthole ukuthi iSikhumbuzo sizakwenzelwa ngaphi futhi sikhathi bani endaweni ahlala kuyo. Hlaba OKUMAYELANA LATHI kupheji yokuqala ye-jw.org, ubusuhlaba lapho okubhalwe ukuthi “ISikhumbuzo.” Njengoba ulungiselela umbuthano lo oqakatheke kangaka walonyaka, cabanga ngalabo ongabanxusa futhi ubususenza njalo.