Inhlupho zingasiqeda amandla ikakhulu nxa zingathatha isikhathi eside. UDavida wayekwazi ukuthi lanxa iNkosi uSawuli yayifuna ukumbulala, ngelinye ilanga uhlupho lolo lwaluzaphela lokuthi wayezakuba yinkosi njengoba nje uJehova wayemthembisile. (1Sa 16:13) Ukholo lwamnceda ukuthi abekezele njalo alindele uJehova.

Nxa siphakathi kohlupho singasebenzisa ukuhlakanipha, ulwazi kumbe ukuqedisisa ukuze silulungise. (1Sa 21:12-14; Zag 1:4) Loba kunjalo ezinye inhlupho azipheli lanxa sesenze konke esingakwenza silandela lokho okutshiwo liBhayibhili. Nxa sekunjalo kumele sibekezele futhi silindele uJehova. Sekuseduze ukuthi uJehova aqede konke okusihluphayo njalo ‘esule zonke izinyembezi’ emehlweni ethu. (Sam 21:4) Kungelani lokuthi inhlupho zethu ziqedwa nguJehova kumbe ngokunye nje, nanku okungamelanga sikuthandabuze: Zonke inhlupho zizaphela ngelinye ilanga. Lokhu kumele kusiduduze sibili!

BUKELANI IVIDIYO ETHI ABANTU ABAMANYENEYO EMHLABENI OWEHLUKENEYO, BESELIPHENDULA IMIBUZO ELANDELAYO:

• Yibuphi ubunzima amanye amaKhristu aseningizimu yeMelika ahlangana labo?

• Atshengisa njani ukuthi ayabekezela lokuthi ayathandana?

• Enzani ukuze aqhubeke eqakathekisa “izinto eziqakatheke kakhulu”?—Flp 1:10