UDavida wanqoba uGoliyathi ngoba wayethembela kuJehova. (1Sa 17:45) UJehova uyafuna ukulwela izinceku zakhe. (2Imi 16:9) Singenzani ukuze sitshengise ukuthi sithembe uJehova hatshi ulwazi lwethu kumbe iziphiwo zethu? Nanzi izinto ezintathu esingazenza:

• Hlala uthandaza. Ungakhuleki ucela ukuxolelwa nxa usuphambanisile kuphela kodwa thandaza ucela amandla okunqoba isilingo. (Mat 6:12, 13) Ungathandazi ucela ukuthi uJehova abusise izinqumo osuzenzile kuphela kodwa mcele akuncedise njalo akunike ukuhlakanipha ungakazenzi.—Jak 1:5

• Hlala ubala njalo utaditsha iBhayibhili. Bala iBhayibhili nsuku zonke. (Hu 1:2) Cabangisisa ngezibonelo ezikulo njalo usebenzise okufunda kuzo. (Jak 1:23-25) Lungiselela ungakayi ekutshumayeleni kulokuthemba owake wakwenza. Lungiselela lemihlangano yebandla ukuze ikuncede kakhulu

• Landela lokho okutshiwo yinhlanganiso kaJehova. Ungasaleli emuva kokutsha esikutshelwa yinhlanganiso. Phangisa ukukulandela. (Nan 9:17) Balalele abadala bebandla nxa beseluleka njalo besitsho lokho okumele kwenziwe.—Heb 13:17

BUKELANI IVIDIYO ETHI ASILASIZATHO SOKWESABA UKUHLUKULUZWA, BESELIPHENDULA IMIBUZO ELANDELAYO:

• Abafowethu labodadewethu babesesabani?

• Kuyini okwabancedayo?