IMPILO YAMAKHRISTU
Indlela Yokusebenzisa Amavidiyo Akhuluma Ngokufunda IBhayibhili
Silamavidiyo amane akhuluma ngokufunda iBhayibhili esingawasebenzisa ekutshumayeleni. Ividiyo ngayinye yenzelwani?
-
Kungani Kumele Ulifunde IBhayibhili?—Ividiyo Ende Ividiyo le yenzelwe ukunceda umuntu ukuthi abe lesifiso sokufunda iBhayibhili kungelani lokuthi ungena yiphi isonto. Inceda umuntu ukuthi adinge izimpendulo zemibuzo eqakathekileyo eBhayibhilini futhi ithi fahlafahla ngezinye zakhona eziseBhayibhilini. Iyachasisa ukuthi umuntu angenzani nxa efuna ukufunda iBhayibhili.
-
Kungani Kumele Ulifunde IBhayibhili? (ividiyo emfitshane) Le ihambelana levidiyo ende kodwa yona imfitshane. Ingasebenza kakhulu ensimini elabantu abahlala bejahile.
-
Kwenzakalani Esifundweni SeBhayibhili? Le inceda umuntu ukuthi abe lesifiso sokufunda iBhayibhili ngoba uzabona ukuthi uhlelo lokufunda iBhayibhili mahala lusebenza njani. Iphendula eminye imibuzo abantu abangaba layo mayelana lokufunda iBhayibhili kanye lokuthi bangenzani nxa befuna ukulifunda.
-
Siyakwamukela Esifundweni Sakho SeBhayibhili Le yenzelwe ukuthi itshengiswe umuntu oqalisa ukufunda iBhayibhili. Ividiyo le isekhasini lesibili ebhukwini elithi Ungathokoza Kuze Kube Nini Lanini! kodwa ingatshengiswa umuntu lanxa efunda ibhukwana elithi Ungathokoza Kuze Kube Nini Lanini! Ividiyo le ikhuluma ngokuthi ibhuku leli limumetheni lokuthi kuyini umfundi angakukhangelela nxa usufunda laye.
Lanxa ividiyo ngayinye yenzelwa inhloso ethile, loba yiphi ingatshengiswa umuntu kumbe ayithunyelwe nxa kudingeka. Abamemezeli bakhuthazwa ukuthi bawazi kuhle njalo bawasebenzise nxa besekutshumayeleni.
