IMPILO YAMAKHRISTU
Uyayisebenzisa Yini I-JW Library?
I-JW Library ngeyamahala futhi kulula ukuyisebenzisa nxa udawuniloda iBhayibhili, amabhuku, amavidiyo lokurekhodiweyo usebenzisa ifoni, i-tablet loba ikhompiyutha.
ITHOLAKALA NJANI? Hamba kuwebhusayithi yethu ubusudawuniloda i-JW Library. Ungayithola esebenza emafonini lakuma-tablet atshiyeneyo. Nxa usuyidawunilodile ungayivula ubusuzithaphela loba kuyini ofuna ukukudawuniloda kuyo. Lokhu ungakwenza usendlini yakho nxa ule-inthanethi, nxa ungelayo ungaya ema-library, eWolu YoMbuso loba e-internet cafe. Ngemva kwalokho ungenelisa ukuvula izinto oyabe uzidawunilodile lanxa ungasekho lapho okule-inthanethi. Njengoba kuhlala kufakwa izinto ezintsha ku-JW Library kufanele uhlale usiyalunguza ukuze ubone okutsha okuyabe kufakiwe.
KUNGANI KUMELE UBE LAYO? I-JW Library yenza kube lula ukuzibalela uwedwa, usemihlanganweni yebandla loba ukuyisebenzisa usekutshumayeleni. Abanye njalo bakubona kulula ukuyisebenzisa nxa bexoxa labantu abahlangane labo loba ngaphi.
Nanku Okunye
INKONZO YOMPHAKATHI
Ukusebenzisa I-JW.ORG Ukuze Sitshele Abantu Umlayezo OseBhayibhilini
OFakazi bakaJehova, abancane labadala, bayakuthanda ukusebenzisa iwebhusayithi yabo elungiswe kutsha ukuze batshele abantu abanengi kakhulu izindaba ezinhle zoMbuso kaNkulunkulu.
