Uthando lwenza kube lokumanyana emulini. Nxa uthando lungekho kuba nzima ukuthi imuli imanyane futhi ibambisane. Amadoda, amakhosikazi labazali bangatshengisa njani ukuthi balothando emulini?

Indoda elothando kumele ibe lendaba lomkayo futhi ilalele imibono yakhe. (Efe 5:28, 29) Kanti njalo iyanakekela imuli yayo futhi iyayincedisa ukuthi isondele kuJehova. Enye indlela ekwenza ngayo lokhu yikuthi kube loKukhonza Kwemuli maviki wonke. (1Ti 5:8) Inkosikazi elothando iyazehlisa kumkayo futhi ‘iyamhlonipha kakhulu.’ (Efe 5:22, 33; 1Pe 3:1-6) Bobabili kumele bazimisele ukuthethelelana ngenhliziyo yonke. (Efe 4:32) Abazali abalothando balendaba lomntwana ngamunye futhi bayamfundisa ukuthanda uJehova. (Dut 6:6, 7; Efe 6:4) Yibuphi ubunzima abantwababo abahlangana labo esikolo? Bayenelisa yini ukumelana lokuyengwa ngontanga yabo? Nxa emulini kulothando, wonke umuntu uzazizwa evikelekile.

BUKELANI IVIDIYO ETHI TSHENGISA UKUTHI ULOTHANDO OLUNGAPHELIYO EMULINI YAKHO, BESELIPHENDULA IMIBUZO ELANDELAYO:

• Indoda elothando imnakekela njani umkayo futhi itshengisa njani ukuthi iyamqakathekisa?

• Inkosikazi elothando itshengisa njani ukuthi iyayihlonipha kakhulu indoda yayo?

• Abazali abalothando baligxilisa njani iLizwi likaNkulunkulu ebantwaneni babo?