Ukulaya kutsho ukunika umthetho lokufundisa kodwa kuphinda kutsho ukuqondisa lokujezisa. UJehova uyasilaya ukuze simkhonze ngendlela ayamukelayo. (Rom 12:1; Heb 12:10, 11) Ngezinye izikhathi kubuhlungu ukulaywa kodwa nxa singakwamukela sizaba ngabantu abalungileyo emehlweni kaJehova njalo sithole izibusiso. (Zag 10:7) Kuyini okumele kukhunjulwe ngumuntu olayayo lalowo olaywayo?

Olayayo. Abadala, abazali kanye labanye kumele bazame ngamandla abo wonke ukulingisela uJehova ngokuba lomusa lothando nxa belaya. (Jer 46:28) Nxa kungadingeka ukuthi umuntu ajeziswe kumele kuhambelane lokuthi wenzeni futhi kwenziwe ngendlela elothando.—Tit 1:13.

Olaywayo. Kungelani lokuthi silaywe njani, akumelanga siqinise amakhanda kodwa kumele sihle sikusebenzise lokho esiyabe sikutsheliwe. (Zag 3:11, 12) Njengoba silesono, sonke siyakudinga ukulaywa. Singakuthola nxa sibala iBhayibhili kumbe sifundiswa emihlanganweni yebandla. Ngezinye izikhathi abanye kungadingeka ukuthi balaywe yikhomithi yokwahlulela. Nxa singavuma ukulaywa futhi sikusebenzise esikutshelwayo sizathokoza empilweni njalo sithole ukuphila okungapheliyo.—Zag 10:17.

BUKELANI IVIDIYO ETHI “UJEHOVA UYABALAYA ABATHANDAYO,” BESELIPHENDULA IMIBUZO ELANDELAYO:

• Yayinjani impilo kaCanon futhi yatshintsha njani?

• UJehova watshengisa njani ukuthi uyamthanda ngesikhathi emlaya?

• Sifundani kulokho okwenzakala kuye?