Njengoba siphila ekucineni ‘kwezinsuku zokucina’ kumele sikhangelele ukuthi inhlupho zizaqhubeka zisanda. (2Ti 3:1; “kobuhlungu bokuhelelwa” umcijo wokutaditsha okuMat 24:8, nwtsty) Nxa kusiba lengozi abantu bakaJehova bajayele ukuthola izixwayiso ezifika ngesikhathi esifaneleyo lezisindisa impilo. Yikho ukuze sisinde ngalesosikhathi kumele sizilungiselele ngokulalela esikutshelwayo khathesi. Lokhu singakwenza ngokuqinisa ukholo lwethu langokuthatha amanyathelo afaneleyo.—Luk 16:10.

• Qinisa ukholo lwakho: Woba lohlelo lokutaditsha futhi ululandele. Funda ukutshumayela ngezindlela ezitshiyeneyo. Ungethuki nxa kungaba lesikhathi lapho oyabe ungasenelisi khona ukuhlangana labanye abazalwane. (Isy 30:15) Ungakhohlwa ukuthi uJehova loJesu bahlala beseduze lawe.—od 176 ¶15-17

• Thatha amanyathelo afaneleyo: Woba lesikhwama esilezinto ongazisebenzisa nxa kungaba lengozi. Kanti njalo kumele lihlale lilokudla okweneleyo, amanzi, imithi lokunye okuqakathekileyo okungasetshenziswa nxa kungadingeka ukuthi lihlale endlini okwesikhathi eside lingaphumi phandle.—Zag 22:3; g17.5 4, 6

BUKELANI IVIDIYO ETHI INDLELA YOKULUNGISELELA IZINGOZI ZEMVELO, BESELIPHENDULA IMIBUZO ELANDELAYO:

• Singaluqinisa njani ukholo lwethu?

• Kungani kumele . . .

  • sihlale sithintana labadala?

  • sibe lesikhwama esilezinto esingazisebenzisa nxa kungaba lengozi?

  • sixoxe ngezingozi ezingasehlela lokuthi kuyini esingakwenza engozini ngayinye?

• Yiziphi izindlela ezintathu esingancedisa ngazo abehlelwe ngumonakalo?

ZIBUZE, ‘Umkhuhlane we-corona ungifundiseni ngokuqakatheka kokulungiselela?’