Silesono yikho kumele sihlale silwisa ukuze singabuswa yizifiso zethu. UJehova angacina engasasamukeli nxa singazivumela ukuthi zisibuse. Ngokwesibonelo, abanye bathanda ukudla lezigqoko lendawo abahlala kuyo ukwedlula uJehova. Abanye basuthisa izifiso zabo zemacansini ngendlela ephikisana lalokho okutshiwo nguJehova. (Rom 1:26, 27) Abanye bayavuma ukuyengwa ngabanye ngenxa yokuthi bafuna ukuthandwa lokwamukelwa.—Eks 23:2.

Singenzani ukuze singabuswa yizifiso zethu? Kumele sizimisele ukuhlala sisenza izinto eziphathelane lokukhonza. (Mat 4:4) Kanti njalo kumele sicele uJehova asincedise. Phela yena uyakwazi okungasinceda futhi uyenelisa lokusuthisa izifiso zethu.—Hu 145:16.

BUKELANI IVIDIYO ETHI UKUBHEMA KUYINGOZI!, BESELIPHENDULA IMIBUZO ELANDELAYO:

• Kungani abantu bebhema?

• Ukubhema kungakuphambanisa njani?

• Kungani ukubhema kungaqondanga?—2Kr 7:1

• Ungenzani ukuze ungavumi ukubhema kumbe utshiye umkhuba lo?