Siyabathanda abafowethu labodadewethu yikho sithemba ukuthi bazimisele ukwenza okuhle. (1Kr 13:4, 7) Ngokwesibonelo, nxa umfowethu engenza isono abasekhuzwa, siba lethemba lokuthi uzalungisisa lapho aphambanise khona. Siyababekezelela labo abangaqinanga ekukholweni futhi siyazama ukubancedisa. (Rom 15:1) Nxa umfowethu loba udadewethu engasuswa ebandleni, asilahli ithemba lokuthi uzaphenduka ngelinye ilanga.—Luk 15:17, 18.

BUKELANI IVIDIYO ETHI HLALA UKHUMBULA UKUTHI UTHANDO—LUTHEMBA ZONKE IZINTO, BESELIPHENDULA IMIBUZO ELANDELAYO:

• U-Abhineri watshengisa njani ukuthi usesekela uDavida?

• UDavida wenzani esezwe lokho u-Abhineri ayekucela? UJowabi yena wenzani?

• Kungani kumele sibathembe abafowethu labodadewethu?