“UJehova uyathokoza ngabantu bakhe.” (Hu 149:4) Uyabona ubuntu bethu obuhle lalokho esenelisa ukukwenza lanxa silesono. Kodwa ngezinye izikhathi singehluleka ukuzibona ngendlela uJehova asibona ngayo. Singazikhangelela phansi ngenxa yendlela abanye abantu abasiphatha ngayo. Kanti njalo nxa singahlala sicabanga ngezinto esaziphambanisa kudala singacina sithandabuza ukuthi uJehova uyasithanda sibili. Manje kuyini okungasinceda nxa siyake sizizwe njalo?

Khumbula ukuthi uJehova ubona lokho abantu abehluleka ukukubona. (1Sa 16:7) Lokhu kutsho ukuthi uyabona lokuhle okwenzayo lanxa wena uyabe ungakuboni. Okuhle yikuthi iBhayibhili liyasinceda sizwisise indlela uJehova asibona ngayo. Yikho kumele silibale ukuze sibone indlela uJehova athanda ngayo izinceku zakhe.

BUKELANI IVIDIYO ETHI QINISEKISA INHLIZIYO YAKHO PHAMBI KUKAJEHOVA, BESELIPHENDULA IMIBUZO ELANDELAYO:

• Umzekeliso kababa lomntanakhe ogijimayo usifundisani ngendlela uJehova asibona ngayo?

  Your answer

• Umuntu angayiqinisekisa njani inhliziyo yakhe phambi kukaJehova nxa angenza isono esikhulu abesesenza konke okumele akwenze ukuze aphinde abe ngumngane wakhe?—1Jo 3:19, 20

  Your answer

• Ukubala lokucabangisisa ngendaba kaDavida loJehoshafathi kwamnceda njani umfowethu?