KUNGANI KUQAKATHEKILE? Enye indlela eqakathekileyo ‘yokufakaza izindaba ezinhle ngokugcweleyo’ yikutshumayela ngefoni. (ImiS 20:24) * Ukutshumayela ngefoni kusinceda ukuthi senelise ukutshumayeza labo okunzima ukuthi sibathole lapho abahlala khona.

INDLELA YOKUKWENZA:

• Lungiselela. Khetha indaba ezazwisiswa ngabantu. Bhala phansi imicijo ofuna ukuxoxa ngayo. Ungalungiselela lamazwi amafitshane ozawakhuluma nxa ifoni yalowo omfonelayo ingangena ku-voicemail. Qoqa lezinto ozazisebenzisa, okuhlanganisa iphepha elilemicijo ozaxoxa ngayo, ifoni kumbe i-tablet ozavula kuyo i-JW Library^® kumbe i-jw.org^®

• Khululeka. Xoxa ukhululekile. Bobotheka njalo ukhulume laye angani uyambona. Nanzelela ukuthi awuphonguthula phakathi kwengxoxo. Kuhle kakhulu ukufona ulabanye abamemezeli. Phinda umbuzo obuzwe ngumninimuzi ukuze ummemezeli olaye akuncedise ukuthi uthole impendulo

• Hlela ukuphindela. Nxa oxoxa laye efuna ukuzwa okunengi, mtshiyele umbuzo ozawuphendula nxa usumfonela futhi. Ungamtshela lokuthi uzambhalela i-email kumbe uyemnika amabhuku akhuluma ngeBhayibhili. Okunye ongakwenza yikumthumela ilinki yamavidiyo ethu kumbe okunye okukhitshwa yinhlanganiso. Mtshele ukuthi angathola okunye okunengi kuwebhusayithi yethu