OFakazi bakaJehova balesibusiso esiligugu kakhulu. Njengoba singamaKhristu azinikele kuJehova, iNkosi Enkulu, kumele ngamunye wethu ahlale eqinisa ubungane bakhe loJehova. Phela usidonsele kuye esebenzisa iNdodana yakhe. (Joh 6:44) Kanti njalo uyayilalela imithandazo yethu.—Hu 34:15.

Singenzani ukuze ubungane bethu loJehova buhlale buqinile? Kumele sibalekele izono ezifanana lalezo ezazisenziwa ngama-Israyeli. Athi esanda kwenza isivumelwano loJehova, ahle enza ithole legolide alikhonza. (Eks 32:7, 8; 1Kr 10:7, 11, 14) Singazibuza ukuthi: ‘Ngenzani nxa sengilingeka ukwenza isono? Engikwenzayo kuyatshengisa yini ukuthi ngiyabuqakathekisa ubungane bami loJehova?’ Nxa simthanda ngenhliziyo yonke uBaba wethu osezulwini, sizazimisela ukubalekela izinto azizondayo.—Hu 97:10.

BUKELANI IVIDIYO ETHI LONDOLOZA UBUHLOBO BAKHO LOJEHOVA (KOL 3:5), BESELIPHENDULA IMIBUZO ELANDELAYO:

• Buyini ubuhwaba?

• Kungani kumele sixwaye ubuhwaba lokukhonza izithombe?

• Ukufeba lokukhonza izithombe kuhambelana njani?

• Kungani kufanele amadoda azinike isikhathi eseneleyo sokuba labomkabo, ikakhulu lawo alemisebenzi eminengi enhlanganisweni?