Ukukhuluma Kakhulu: Ungacabangi ukuthi kumele uchasise yonke into. UJesu wayebuza imibuzo ukuze abantu bacabange njalo bazibonele okuqondileyo. (Mt 17:24-27) Imibuzo yenza isifundo sibemnandi njalo yenza lawe ubone ukuthi ofunda laye uyakuzwisisa futhi uyakukholwa yini akufundayo. (be-ZU 253 ¶3-4) Ungabuza, bekezela umelele impendulo. Nxa angatsho impendulo engayisiyo, buza eminye imibuzo ezamenza ayibone impendulo kulokuthi uhle umtshele eqondileyo. (be-ZU 238 ¶2-3) Khuluma ngendlela ezakwenza umfundi abambe imicijo emitsha.—be-ZU 230 ¶4.

Ukwenza Isifundo Sibe Nzima: Balekela umkhuba wokukhuluma konke okwaziyo ngendaba efundwayo. (Joh 16:12) Gxila emicijweni eqakathekileyo esendimeni. (be-ZU 226 ¶4-5) Imicijo esemaceleni ingacina isigqibela okusendimeni. (be-ZU 235 ¶3) Nxa umfundi esewuzwisisile umcijo oqakathekileyo, dlulelani endimeni elandelayo.

Ukujaha Ukuqeda: Inhloso yethu yikufinyelela izinhliziyo zabantu hatshi ukugijimela ukuqeda. (Luk 24:32) Lisebenzise kuhle iLizwi likaNkulunkulu ngokugxila emibhalweni ekhanyisa umcijo elifunda ngawo. (2Khor 10:4; Heb 4:12; be-ZU 144 ¶1-3) Sebenzisa imifanekiso elula. (be-ZU 245 ¶2-4) Cabanga izinto ezihlupha umuntu ofunda laye kanye lezinto azikholwayo, yenza isifundo sisebenze kuye. Buza imibuzo enjengale: “Uyizwa njani indaba esifunda ngayo?” “Indaba le isifundisani ngoJehova?” “Kunceda ngani ukusebenzisa lokhu esikufundayo?”—be-ZU 238 ¶4-6; 259 ¶2