6:9-11, 25-27, 54, 66-69

Ngesikhathi uJesu etshela abafundi bakhe umzekeliso abangazange bawuzwisise, abanye bakhubeka futhi bayekela ukuhamba laye. Ngelanga elaledlule wayenze isimangaliso ngokubapha ukudla etshengisa ukuthi amandla akhe ayevela kuNkulunkulu. Manje kungani bakhubeka? Kukhanya angani babelandela uJesu kulokunye ababekufuna kuye. Babefuna ukuba ngabangane bakhe ukuze bathole ezinye izinto.

Umuntu ngamunye kumele azibuze ukuthi, ‘Kungani ngilandela uJesu? Inhloso yami enkulu yikuthi ngizathola izibusiso khathesi langesikhathi esizayo yini? Kumbe yikuthi ngiyamthanda uJehova futhi ngifuna ukumthokozisa?’

Kungani singakhubeka nxa singakhonza uJehova ngenxa yezizatho ezilandelayo?

• Sikholisa ukuba labantu bakaNkulunkulu

• Sifuna ukuhlala ePharadayisi