Umuntu ogijimayo kumele aqhubeke eziqeqetsha ukuze ahlale eyingcitshi. Lathi kumele siqhubeke sisebenza nzima siqeqetsha amandla ethu okuqedisisa njalo sihlale silawo. (Heb 5:14) Lanxa kungaba lula ukuthi silingisele izinqumo ezenziwe ngabanye, kumele siqeqetshe awethu amandla okucabanga njalo sizenzele ezethu izinqumo. Kungani kumele senze njalo? Ngamunye wethu uzaziphendulela ngezinqumo zakhe.—Rom 14:12.

Akumelanga sizitshele ukuthi sizakwenza izinqumo ezinhle ngenxa nje yokuthi sesileminyaka eminengi sibhabhathiziwe. Kumele sithembele kuJehova ngokupheleleyo, eLizwini lakhe lasenhlanganisweni yakhe ukuze senze izinqumo ezinhle.—Jos 1:7, 8; Zag 3:5, 6; Mat 24:45.

BUKELANI IVIDIYO ETHI “HLALANI LILOMZWANGEDWA OMUHLE,” BESELIPHENDULA IMIBUZO ELANDELAYO:

• Yisiphi isinqumo u-Emma okwakumele asenze?

• Kungani kungamelanga sitsho imibono yethu endabeni eziphathelane lomzwangedwa?

• Omunye umfowethu lomkakhe bamncedisa njani u-Emma?

• U-Emma wakuthola ngaphi okwamsiza ukuthi enze isinqumo esihle?