Uyakholisa yini ukusebenzisa amavidiyo lemibuzo esebhukwini elithi Ungathokoza Kuze Kube Nini Lanini? Kuthiwani ngengxenye ethi “Abanye Bathi,” “Ongakwenza” lethi “Thola Okunengi”? Yiziphi ezinye izingxenye ezisebhukwini leli ezingakunceda nxa ufundisa omunye iBhayibhili?—Mat 28:19, 20.

Amavidiyo: Ungawathola ngaphi amavidiyo kanye lokunye okusebhukwini leli nxa usebenzisa ibhuku eliphrintiweyo? Qala uvule ibhuku leli efonini loba ku-tablet yakho ubusukhetha ingxenye eyodwa kwezine ezilapho. Ngaphansi koluhlu lwezihloko ungakhetha amavidiyo lokunye okufunayo okusengxenyeni leyo. (Khangela umfanekiso 1.)

Ukutshintshela ku-“Printed Edition”: Nxa ufunda lomuntu usebenzisa ifoni loba i-tablet, ukutshintshela ku-“Printed Edition” kungakunceda kakhulu. Ngesikhathi lifunda hlaba amachatha amathathu aphezulu ekhasini olivulileyo ubusukhetha i-“Printed Edition.” Indlela ikhasi leli elibhalwe ngayo izakunceda ungakhohlwa ukuthi elikufundayo kungenelana njani lesifundo sonke. Nxa usufuna ukubuyela emuva hlaba amachatha wonalawo amathathu utshintshele ku-“Digital Edition.”

“Sengikulungele Yini?”: Amabhokisi la asekucineni kwebhuku abhalwe izinto okumele umfundi azenze ukuze enelise ukuba ngummemezeli njalo abhabhathizwe. (Khangela umfanekiso 2.)

Amabala Asekucineni: Amabala asekucineni achasisa njalo asincede sibe kwazi okunengi ngezinye izinto eziqakathekileyo esizifundayo. Ibhuku elisefonini lilelinki nxa uqeda ukubala amabala asekucineni othi ungayihlaba ikubisele esifundweni obukuso. (Khangela umfanekiso 2.)