Umuntu okuhluphayo angakulimaza kumbe akwenze ukhathazeke kakhulu. Nxa ephikisana lalokho okukholwayo angakwenza wesabe ucine ungasaqinanga ekukhonzeni. Ungazivikela njani nxa kulomuntu okuhluphayo?

Abantu bakaJehova abanengi bancedwa yikuthembela kuye ngesikhathi kulabantu ababebahlupha. (Hu 18:17) Ngokwesibonelo uHamani wathi efuna ukuthwalisa nzima abantu bakaNkulunkulu, u-Esta waba lesibindi waveza egcekeni amacebo amabi uHamani ayewabumba. (Est 7:1-6) Kodwa engakenzi njalo waqala wazila ukudla, etshengisa ukuthi wayethembele kuJehova. (Est 4:14-16) UJehova wambusisa wavikela abantu bakhe waphinda wavikela laye u-Esta.

Nxa ungosakhulayo futhi kulomuntu okuhluphayo cela uJehova akuncedise futhi ukhulume lomuntu omdala ngohlupho lwakho, ngokwesibonelo umzali wakho. Qiniseka ukuthi uJehova uzakuncedisa njengoba wancedisa lo-Esta. Kuyini okunye ongakwenza nxa kulomuntu okuhluphayo?

BUKELANI IVIDIYO ETHI OKWENZAKALA NGISAKHULA—NGINGENZANI NXA NGIHLUTSHWA NGABANYE ABANTWANA? BESELIPHENDULA IMIBUZO ELANDELAYO:

• Abasakhulayo bangafundani kulokho okwenziwa nguCharlie loFerin?

  Impendulo yakho

• Abazali bangafundani kulokho okutshiwo nguCharlie loFerin mayelana lokuncedisa abantwababo nxa behlutshwa ngabanye abantwana?

  Impendulo yakho