Ungenelisa yini ukuphendula imibuzo le esekelwe ku-Nqabayokulinda eziphume ngo-2019?

Sitshoni isithembiso sikaNkulunkulu esithi: “Akulasikhali esikhandelwe wena esizaphumelela”? (Isaya. 54:17)

Silethemba lokuthi uNkulunkulu uzasivikela ‘emoyeni wabalolunya.’ (Isaya. 25:4, 5) Izitha zethu kazisoze zisitshabalalise loba sekutheni.​—w19.01, amakhasi 6-7.

Indlela uNkulunkulu aphatha ngayo abaseKhenani kanye lama-Israyeli ayehlamuka itshengisa njani ukuthi wahlulela kuhle?

UNkulunkulu wabajezisa labo ababesenza imikhuba yemacansini elihlazo kumbe labo ababehlukuluza abesifazana labantwana. Wayebusisa abantu ababemlalela futhi ababephatha kuhle abanye.​—w19.02, amakhasi 22-23.

Kumele senzeni nxa kukhuleka umuntu ongayisuyeFakazi?

Singathula futhi sitshengise inhlonipho kodwa kasisoze sithi “ameni” kumbe sibambane izandla lalabo abakhona. Singakhuleka sodwa enhliziyweni.​—w19.03, ikhasi 31.

Kungani ukuhlukuluza umntwana kuyisono esibi kakhulu?

Umuntu ohlukuluza umntwana uyamonela, wonela ibandla, iziphathamandla loNkulunkulu. Abadala bayayilandela imithetho yelizwe emayelana lokubikela iziphathamandla nxa kulomuntu ohlukuluze umntwana.​—w19.05, amakhasi 9-10.

Ungayintshintsha njani indlela ocabanga ngayo?

Khuleka kuJehova. Cabangisisa ukuze ubone lapho okumele ulungisise khona. Khetha kuhle abangane bakho.​—w19.06, ikhasi 11.

Singenzani khathesi ukuze sikulungele ukuhlukuluzwa?

Kumele siqinise ubungane bethu loJehova, siqiniseke ukuthi uyasithanda lokuthi kasoze asilahle loba sekutheni. Bala iBhayibhili nsuku zonke njalo uhlale uthandaza. Qiniseka ukuthi izithembiso zoMbuso zizagcwaliseka. Ibambe ngekhanda imibhalo oyithandayo kanye lezingoma ezidumisa uJehova.​—w19.07, amakhasi 2-4.

Singazinceda njani izihlobo zethu ukuthi zisinde?

Kuqakathekile ukuthi sizwisise indlela izihlobo zethu ezizwa ngayo, sibe yizibonelo ezinhle, sibekezele njalo sibe lomusa kodwa singavumi ukuphanjulwa.​—w19.08, amakhasi 15-17.

Kungani umsebenzi uJesu asinike wona usivuselela? (Mat. 11:28)

Silababonisi abalothando, abangane abahle kakhulu lomsebenzi omuhle kakhulu.​—w19.09, ikhasi 23.

UNkulunkulu usipha njani isifiso lamandla okwenza okumthokozisayo? (Flp. 2:13)

Nxa sibala iLizwi likaNkulunkulu futhi sicabangisisa ngesikubalayo, uNkulunkulu uyabe esiqinisa, esipha isifiso sokwenza intando yakhe kanye lamandla okwenza okumthokozisayo. Umoya wakhe ongcwele usenza sibe zingcitshi kulokho esenelisa ukukwenza.​—w19.10, ikhasi 21.

Yiziphi izinto okumele uzenze ungakenzi isinqumo?

Ezinhlanu zakhona yilezi: Chwayisisa. Thandaza ucele ukuhlakanipha. Hlola ukuthi kungani ufuna ukwenza isinqumo esithile. Bhala phansi ofuna ukukwenza. Ungalindeli ukwenza okungaphezu kwamandla akho.​—w19.11, amakhasi 27-29.

Indaba yokuthi umphefumulo awufi yaqalisa ngalokho uSathane akutshela u-Eva yini?

Kukhanya ayiqalisanga ngakho. USathane kazange atshele u-Eva ukuthi umzimba wakhe wawuzakufa kodwa umoya uyephila kwenye indawo. Konke ukukhonza kwamanga kwatshabalaliswa nguZamcolo. Yikho kumele ukuthi imfundiso yokuthi umphefumulo awufi yaqala uNkulunkulu engakasabalalisi abantu ababesakha umphongolo weBhabheli.​—w19.12, ikhasi 15.