Ubuzibala yini izihloko ezisanda kuphuma ku-Nqabayokulinda? Nxa kunjalo, ungenelisa yini ukuphendula imibuzo elandelayo?:

U-Eksodusi 34:6 uthi uJehova ‘ugcwele uthando’ njalo ‘ulesihawu.’ Lokhu kwenza siqiniseke ngani?

Siyakwazi ukuthi uJehova ulesihawu yikho uzimisele ukusithethelela nxa singaphambanisa. U-Eksodusi 34:6 usiqinisekisa ngokuthi uyasithanda lokuthi ufuna ukusincedisa. Kumele simlingisele.—w21.01, ikhasi 21.

Kungani uJehova wenza ukuthi kube lobunhloko?

UJehova wenza kwaba lobunhloko ngenxa yokuthi uyayithanda imuli yakhe. Ubunhloko benza kube lokuthula lokuhleleka kuyo. Ilunga lemuli ngalinye elilandela lokho uJehova akutshoyo ngobunhloko liyakwazi ukuthi ngubani okumele enze izinqumo futhi abe leqiniso lokuthi ziyalandelwa.—w21.02, ikhasi 3.

Kungani kumele amaKhristu aqaphele nxa esebenzisa ezokuxhumana?

Nxa umuntu ekhetha ukusebenzisa ezokuxhumana kumele akhethe kuhle abantu azaxhumana labo. Lokhu kungaba nzima emaqenjini amakhulu ezokuxhumana. (1 Tim. 5:13) Abanye basebenzisa ezokuxhumana ukufafaza izindaba okungelabufakazi bokuthi ziliqiniso kumbe ukukhanda imali besebenzisa abafowabo labodadewabo abakuzo.—w21.03, ikhasi 31.

Yiziphi ezinye izizatho ezenza uNkulunkulu wavumela ukuthi uJesu ahlupheke njalo afe?

Esokuqala, uJesu kwakumele alengiswe esigodweni ukuze akhulule amaJuda esiqalekisweni. (Gal. 3:10, 13) Esesibili yikuthi uJehova wayemqeqetshela umsebenzi wokuba nguMphristi Omkhulu. Esesithathu yikuthi ukuthembeka kukaJesu aze afe kwakuzatshengisa ukuthi abantu bangenelisa ukuhlala bethembekile kungelani lobunzima obubehlelayo. (Jobe. 1:9-11)—w21.04, ikhasi 16 lo-17.

Ungenzani nxa kunzima ukuthola abantu ekutshumayeleni?

Ungazama ukubadinga ngezikhathi abangabe sebesendlini ngazo. Ungazama ukutshintsha indawo otshumayela kuyo. Kanti njalo ungazama enye indlela yokutshumayela, njengokubhala izincwadi.—w21.05, ikhasi 15 lo-16.

UPhawuli wayesitshoni lapho esithi: “Ngokulandela umthetho ngafa emthethweni”? (Gal. 2:19)

UMthetho kaMosi wenza kwacaca ukuthi abantu balesono futhi wakhokhela ama-Israyeli uwasa kuKhristu. (Gal. 3:19, 24) Lokhu yikho okwenza uPhawuli wemukela uKhristu. Ngokwenza njalo, ‘wafa emthethweni,’ okutsho ukuthi wawungaselamandla phezu kwakhe.—w21.06, ikhasi 31.

Yiziphi izinto uJehova azibekezelelayo?

UJehova uyabekezela nxa ibizo lakhe lingcoliswa, ubukhosi bakhe buphikiswa, abanye abantwabakhe behlamuka, uSathane elokhu eqamba amanga, nxa izinceku zakhe zihlupheka, efelwa ngabangane bakhe lalapho umhlaba awudalayo usonakaliswa.—w21.07, ikhasi 9-12.

UJosefa watshengisa njani ukuthi uyabekezela?

Waqinisela ngesikhathi ephathwa kubi ngabafowabo. Wacina eseseGibhithe, waqanjelwa amanga futhi wabotshwa okweminyaka eminengi.—w21.08, ikhasi 12.

UHagayi 2:6-9, 20-22 ukhuluma ngakuphi ukunyikinywa?

Izizwe azifuni lakuzizwa izindaba ezinhle zoMbuso. Kodwa abantu abanengi bayabuya enhlanganisweni kaJehova. Sekuseduze ukuthi izizwe zinyikinywe okokucina nxa sezibhujiswa.—w21.09, ikhasi 15-19.

Kungani kungamelanga sikhalale ukutshumayela?

UJehova uyakubona lokho esikwenzayo njalo kuyamthokozisa. Sizathola ukuphila okungapheliyo nxa singapheli amandla kumbe singakhalali.—w21.10, ikhasi 25 lo-26.

ULevi isahluko 19 usinceda njani ukuthi silalele iseluleko esithi: “Libe ngcwele kukho konke ukuziphatha kwenu”? (1 Phet. 1:15)

Kumele ukuthi ivesi le iphinda amazwi akuLevi 19:2. Esahlukweni lesi sithola indlela ezitshiyeneyo esingatshengisa ngazo ukuthi silalela lokho okutshiwo ku-1 Phetro 1:15.—w21.12, ikhasi 3 lo-4.