Abafowethu labodadewethu abanengi basebenzisa izihloko eziphuma ekhasini lokuqala le-jw.org enkonzweni. Kulula ukuzithumela abanye njalo izikhathi ezinengi ziyabe zichasisa ukuthi izinto ezenzakalayo zisigcwalisa njani isiphrofetho esiseBhayibhilini. Omunye umfowethu owabhala ngezihloko lezi ezisekhasini lokuqala wathi “yizo kanye ebezisebenza kakhulu endleleni esesitshumayela ngayo lezinsuku.”

Izihloko lezi ziyatshintshwa zikhathi zonke. Manje ungazibona njani eziyabe sezikhitshiwe ekhasini lokuqala?

• Ekhasini lokuqala le-jw.org, hlaba lapho okubhalwe khona “Khangela okunengi” ngaphezulu kwekhasi lelo. Ungahlaba lapho uzakuya ekhasini elithi “Okusanda Kuphuma Ekhasini Lokuqala.” Ekhasini lelo uzathola izihloko ezinengi ebezisanda kufakwa ekhasini lokuqala.

• Ku-jw.org kumbe ku-JW Library^®, hlaba okubhalwe ukuthi “Izinto Ezikhona,” ubususiya okubhalwe khona “Izihloko Ezihlala Ziphuma.” Ungangena phakathi uzabona kubhalwe “Ezinye Izihloko.” Ingxenye le ilezihloko ezinengi eziyabe zike zaphuma ekhasini lokuqala.