Omunye umfowethu lomkakhe ababala indaba yokuphila nsuku zonke ekuseni bathi: “Siyazikholisa kakhulu indaba lezi futhi ziyasikhuthaza. Zisikhumbuza ukuthi lathi singaqhubeka sithembekile kungelani lokuthi kwenzakalani empilweni zethu.” Omunye udade yena wathi: “Indaba lezi ziyasiduduza, ziyasiqinisa futhi ziyasikhuthaza. Kunengi okwenziwe ngabafowethu labodadewethu laba ekukhonzeni uJehova. Abakwenzayo kuyangikhuthaza ukuthi ngenze okunengi enkonzweni lokuthi ngincedise abantwabami babone ukuthi bayabe bengalahlekanga bengakhetha inkonzo yesikhathi sonke.”

Izindaba zokuphila zisinceda ukuthi sihlele esingakwenza ekukhonzeni uJehova, sinqobe umkhuba esingabe silwisana lawo, siqinisele ebunzimeni sithokoza futhi singenzi into esingacina sizisola ngayo. Ungazithola ngaphi indaba lezi?

• Hamba ku-jw.org uthayiphe isihloko esithi “Indaba Yokuphila.”

• Dinga izihloko ezithi “Life Stories of Jehovah’s Witnesses” ku-Watchtower ONLINE LIBRARY^™ kumbe ku-Watchtower Library.