Mhlawumbe lawe kuyake kukuthwalise nzima ukukhumbula izinto ozibalileyo. Kodwa kulula ukukhumbula izinto ezazifundiswa nguJesu ngoba wayejayele ukusebenzisa imizekeliso. Imizekeliso le uyabe uyibona ngelihlo lengqondo futhi lokho kuyakunceda ukuthi uyikhumbule. Lawe nxa ufuna ukukhumbula izinto ezinengi ozibalayo zama ukuthi uzibone ngelihlo lengqondo. Ungakwenza njani lokho? Ngokudweba izinto ozibona ngelihlo lengqondo nxa ubala.

Abantu abanengi abajayele ukudweba izinto ezintsha abayabe bezifundile kuba lula ukuthi bazikhumbule. Ukudweba kuyabanceda ukuthi bangakhumbuli amabala kuphela kodwa bakhumbule lemicijo eqakathekileyo abayabe beyifundile. Lokhu akutsho ukuthi sekumele ube yingcitshi yokudweba, yikudweba nje kuphela izinto ezilula oyabe uzifundile. Kulobufakazi obutshengisa ukuthi labantu asebekhulile labo kuyabanceda kakhulu ukudweba izinto abayabe bezifundile.

Lawe nxa usutaditsha, zama ukudweba izinto oyabe uzifundile. Ungenza njalo uzakhumbula izinto ezinengi oyabe uzibalile.