INQABAYOKULINDA—EFUNDWAYO June 2020
Izihloko ezizafundwa ngo-August 3 kusiya ku-30 2020.
“Kalingcweliswe Ibizo Lakho”
Isifundo 23: August 3-9 2020. Yiphi indaba eqakathekileyo ebantwini lasezingilosini? Kungani iqakathekile futhi singena njani endabeni le? Ukuzwisisa izimpendulo zemibuzo le kanye leminye kuzasinceda siqinise ubungane bethu loJehova.
“Ngipha Inhliziyo Engaxamalazanga, Ukuze Ngilesabe Ibizo Lakho”
Isifundo 24: August 10-16 2020. Esihlokweni lesi sizaxoxa ngamanye amazwi asemthandazweni weNkosi uDavida akuHubo 86:11, 12. Kutshoni ukwesaba ibizo likaJehova? Kungani kumele silihloniphe kakhulu ibizo lakhe? Kanti njalo ukwesaba uNkulunkulu kuzasivikela njani nxa silingwa ukuthi senze okubi?
Imibuzo Ebuzwa Ngabafundi
Zikhona yini ezinye “izithelo zomoya” ngaphandle kwalezo eziqanjwe kuGalathiya 5:22, 23?
“Mina Ngokwami Ngizadinga Izimvu Zami”
Isifundo 25: August 17-23 2020. Kuyini okwenza abanye batshiye ukukhonza uJehova lanxa sebeleminyaka eminengi bemkhonza bethembekile? UNkulunkulu uzwa njani ngabo? Imibuzo le izaphendulwa esihlokweni lesi. Sizaxoxa langokuthi sifundani endleleni uJehova ancedisa ngayo abanye okukhulunywa ngabo eBhayibhilini abake bamtshiya okwesikhatshana.
“Buyelani Kimi”
Isifundo 26: August 24-30 2020. UJehova ufuna labo abangasangeni imihlangano yebandla futhi abangasatshumayeli ukuthi babuyele kuye. Kunengi esingakwenza ukuze sikhuthaze labo abavumayo nxa uJehova esithi: “Buyelani kimi.” Esihlokweni lesi sizaxoxa ngokuthi singenzani ukuze sibancedise benze njalo.
