Uyafuna yini ukuthola okunengi nxa utaditsha? Nanku okunye okungakunceda:

• Khetha indawo ezakwenza ukuthi ingqondo yakho ibe kulokho okubalayo. Nxa kuvuma dinga indawo engelamafukufuku futhi kube yindawo ekhanyayo ukuze ubone kuhle lokho okubalayo. Kanti njalo nxa utaditsha ungahlala lapho okuletafula khona kumbe udinge enye indawo phandle.

• Dinga indawo engelabantu. UJesu wakhetha ukuthandaza ‘ekuseni kusesemnyama endaweni engelabantu.’ (Mak. 1:35) Nxa kunzima ukuthola indawo enjalo, ungatshela abemuli yakho kumbe labo ohlala labo ukuthi utaditsha nini ubusucela ukuthi bangakuphambanisi.

• Faka ingqondo yakho kulokho okubalayo. Zama ukuthi kungabi lezinto ezingakuphambanisa. Nxa usebenzisa ifoni, yifake ku-silent kumbe ku-airplane mode. Nxa engqondweni yakho kungafika okunye okumele ukwenze kubhale phansi, uzaphela ukubone ungaqeda. Nxa ungezwa angathi usudiniwe sukuma uhambahambe.