Abazali balomsebenzi omkhulu wokufundisa abantwababo ngoJehova. (Efe. 6:4) Inhlanganiso kaJehova isibhale izihloko ezinengi, yenza lamavidiyo kanye lezingoma ukuze incede abazali bafundise abantwababo. Ungazisebenzisa njani izinto lezi ukuze ufundise abantwabakho?

• Dinga ongakusebenzisa. Ku-JW.ORG kulezinto ezinengi ezenzelwe abantwana, okugoqela amavidiyo lamatshathi abangabhala kuwo kumbe badwebe. a Ukuze uthole okunengi okwabantwana hamba ku-jw.org ubususiya lapho okubhalwe “Dinga,” ubhale ukuthi, “Woba Ngumngane KaJehova.” Nxa udinga okwabasakhulayo hamba lapho okubhalwe “Okufundiswa LiBhayibhili,” ubusuhlaba lapho okubhalwe “Abasakhulayo.”

• Khetha okunganceda umntanakho. Ungakhetha phakathi kwamavidiyo abantwana lezingoma.

• Xoxa labantwabakho ngezinto lezi. Ungazisebenzisi ukuthi ubalibazise ngazo nje kuphela. Kodwa xoxa ngazo lomntanakho njalo uzisebenzise ukuthi umncedise abe ngumngane kaJehova.