Sadalelwa Ukuphila Phakade
AKE uzicabange ukholisa impilo, ungasaguli futhi ungasesabi ukuthi ngelinye ilanga uzakufa. Uyabe usutshona labantu obathandayo, uvakatshela loba ngaphi ofuna khona njalo ufundela izinto ezintsha ozithandayo. Wonke umuntu uyakufuna ukuphila kuze kube nininini.
Kuyini okwenza abantu bafise ukuphila phakade? IBhayibhili lisitshela ukuthi sadalwa silesifiso leso. (UmTshumayeli 3:11) Liphinda lithi “uNkulunkulu uluthando.” (1 UJohane 4:8) Ngenxa yalokho wayengeke asidale silesifiso sokuphila phakade yena ekwazi ukuthi sizakufa.
Akulamuntu okufunayo ukufa. IBhayibhili lithi ukufa ‘kuyisitha.’ (1 KwabaseKhorinte 15:26) Abanye bafa bebancane, abanye sebekhulile kodwa okusalayo yikuthi sonke siyafa. Abantu abanengi bazizwa besesaba nxa becabanga ukuthi ngelinye ilanga bazakufa. Ukufa kuzaqedwa yini?
OKWENZA SIBE LETHEMBA
Ubukwazi yini ukuthi uJehova wayengahlosanga ukuthi abantu bafe? IBhayibhili lisinika ubufakazi obutshengisa ukuthi uNkulunkulu wayehlose ukuthi abantu baphile kuze kube nini lanini. Engakadali u-Adamu, uJehova uNkulunkulu waqalisa wadala umhlaba ulakho konke okudingakalayo ukuze abantu baphile bethokoza. Ngemva kwalokho wasefaka u-Adamu esivandeni se-Edeni. Wathi eseqedile, “uNkulunkulu wakubona konke ayesekwenzile, njalo kwakukuhle kakhulu.”—UGenesisi 1:26, 31.
U-Adamu wadalwa ngomfanekiso kaNkulunkulu futhi engelasici. (UDutheronomi 32:4) U-Eva laye wadalwa engelasici. UJehova wathi kubo: “Zalani lande ngobunengi; wugcwaliseni umhlaba, liwubuse. Busani phezu kwezinhlanzi zolwandle lezinyoni zemoyeni laphezu kwezidalwa zonke ezihambayo emhlabathini.”—UGenesisi 1:28.
U-Isaya 45:18) Kambe uJehova wayenganika u-Adamu lo-Eva ithemba lelo nxa kwakumele baphile isikhathi esifitshane?
Kwakuzathatha isikhathi eside ukuthi bawugcwalise umhlaba. Kwakumele babe labantwana, abantwababo labo babe lababo, abantu baze bagcwale emhlabeni wonke njengoba uNkulunkulu wayehlosile. (Khumbula lokuthi kwakumele babuse phezu kwezinyamazana. U-Adamu wayephiwe umsebenzi wokunika izinyamazana amabizo futhi lokho kwakuzathatha isikhathi. (UGenesisi 2:19) Kodwa ukuze enelise ukubusa izinyamazana, kwakuzamele azazi njalo afunde lokuzinakekela. Lokhu kwakuzathatha isikhathi eside kakhulu.
Yikho umlayo kaNkulunkulu wokuthi bagcwalise umhlaba lowokuthi babuse phezu kwezinyamazana utshengisa ukuthi u-Adamu lo-Eva babedalelwe ukuthi baphile isikhathi eside. Lakanye u-Adamu waphila isikhathi eside.
UNKULUNKULU UFUNA ABANTU BAPHILE PHAKADE EMHLABENI OLIPHARADAYISI
BAPHILA ISIKHATHI ESIDE
U-Adamu iminyaka engu-930
UMethusela iminyaka engu-969
UNowa iminyaka engu-950
Lamuhla, siphila iminyaka engu-70 kusiya ku-80
IBhayibhili likhuluma ngabantu abake baphila isikhathi eside kakhulu ukwedlula esisiphila lamuhla. Lithi: “Isiyonke iminyaka ka-Adamu yayingamakhulu aficamunye lamatshumi amathathu.” Lisilandisela ngamadoda ayisithupha aphila uZamcolo engakafiki futhi amadoda la ngu-Sethi, u-Enoshi, uKhenani, uJaredi, uMethusela loNowa njalo aphila iminyaka edlula 900. UNowa wayeleminyaka engu-600 lapho uZamcolo efika. (UGenesisi 5:5-27; 7:6; 9:29) Kuyini okwenza baphila isikhathi eside kangaka?
Wonke amadoda la azalwa kungakabi lesikhathi eside u-Adamu lo-Eva bonile. Kungenzakala ukuthi yikho okwenza baphila isikhathi eside kangako. Kodwa ukungabi lesono kungenelana njani lokuphila isikhathi eside? Ukufa kuzaqedwa njani? Ukuze sithole izimpendulo zemibuzo le, kumele siqale sizwisise ukuthi kungani siguga futhi sisifa.