Imibuzo YeBhayibhili Iyaphendulwa
Kungani kumele sithandazele ukuthi uMbuso kaNkulunkulu uze?
UMbuso kaNkulunkulu nguhulumende osezulwini. UJesu watshela abalandeli bakhe ukuthi bathandazele ukuthi uMbuso lo uze ngoba uzaletha ukulunga kanye lokuthula emhlabeni. UMbuso kaNkulunkulu uzasusa udlakela, ububi, lemikhuhlane njalo yiwo wodwa ongakwenza lokho. Akulahulumende osemhlabeni ongakwenza. Kanti njalo uJehova ukhethe iNdodana yakhe, uJesu, ukuthi ibe yiNkosi yoMbuso wakhe. Waphinda wakhetha leqembu labalandeli bakaJesu ukuthi babuse loJesu eMbusweni lo.—Bala uLukha 11:2; 22:28-30.
Sekuseduze kakhulu ukuthi uMbuso kaNkulunkulu ususe bonke abaphikisana laye. Yikho-ke nxa sithandazela ukuthi uMbuso kaNkulunkulu uze siyabe sicela ukuthi uhulumende wakhe uzosusa bonke ohulumende abasemhlabeni.—Bala uDanyeli 7:13, 14; ISambulo 11:15, 18.
Kungani singathandabuzi ukuthi uMbuso kaNkulunkulu uzabanceda abantu?
UJesu kumfanele sibili ukuba yiNkosi ngoba ulesihawu. Ulamandla okusiza bonke abakhala kuNkulunkulu becela uncedo ngoba uyiNdodana yakhe.—Bala iHubo 72:8, 12-14.
UMbuso kaNkulunkulu uzanceda bonke abawuthandazela ngenhliziyo yonke ukuthi uze kanye lalabo abenza intando yakhe. Kuzakunceda kakhulukazi ukufunda ngokuthi iBhayibhili lithini ngawo.—Bala uLukha 18:16, 17; UJohane 4:23.
Nanku Okunye
IMIBUZO YEBHAYIBHILI IYAPHENDULWA
Kuyini Okuzakwenziwa NguMbuso KaNkulunkulu?
Bala isihloko lesi uzwe ukuthi kuyini okuzakwenziwa nguMbuso kaNkulunkulu ngesikhathi esizayo.
INQABAYOKULINDA
UMbuso kaNkulunkulu—Uzakunceda Ngani Wena?
Ukuthi uMbuso uzakunceda kumbe hatshi kuya ngokuthi wena wenzani.
