Kungani OFakazi BakaJehova Bengabizi Izindlu Zabo Zokukhonzela Ngokuthi NgamaTshetshi?
EBhayibhilini, ibala lesiGiriki eliyake lihunyutshwe ngokuthi “itshetshi” litsho iqembu labantu hatshi isakhiwo ababuthana kuso.
Nansi isibonelo: Ngesikhathi umphostoli uPhawuli ebhalela amaKhristu aseRoma, wathi kubingelelwe uPrisila lomkakhe u-Akhwila, wasesithi: “Bingelelani letshetshi ehlanganyela endlini yabo.” (KwabaseRoma 16:5, Contemporary English Version) Lapha uPhawuli wayengatsho ukuthi kubingelelwe isakhiwo kodwa wayesitsho abantu
Yikho-ke, kulokuthi sithi indawo esikhonzela kuyo yitshetshi, sithi ‘yiWolu yoMbuso.’
Kungani Kuthiwa ‘YiWolu YoMbuso YaboFakazi BakaJehova’?
Izizatho ezilandelayo zitshengisa ukuthi kungani ibizo leli lifanele:
Isakhiwo sakhona yiwolu kumbe yindawo lapho abantu abahlangana khona.
Sihlangana ndawonye ukuze sikhonze uJehova uNkulunkulu weqiniso lokuthi sifakaze ngaye.—IHubo 83:18; u-Isaya 43:12.
UJesu wayehlala ekhuluma ngoMbuso kaNkulunkulu, ngakho lathi sihlangana ndawonye ukuze sifunde ngawo.
—UMathewu 6:9, 10; 24:14; uLukha 4:43.
Ukhululekile ukuvakatshela iWolu yoMbuso eseduze lalapho ohlala khona ukuze uzibonele indlela oFakazi BakaJehova abaqhuba ngayo imihlangano yabo.
^ ndima 3 Amazwi afananayo ayatholakala laku-1 KwabaseKhorinte 16:19; KwabaseKholose 4:15; lakuFilimoni 2.
Nanku Okunye
IMIBUZO EJAYELE UKUBUZWA NGABANTU
Ahlelwe Njani Amabandla AboFakazi BakaJehova?
Bala isihloko lesi ubone ukuthi indlela esihlelwe ngayo isinceda njani ukuthi sithole iziqondiso ezivela eBhayibhilini.
UKUNCEDA UMPHAKATHI
Ubuhle BamaWolu OMbuso Emphakathini
Bala isihloko lesi uzwe ukuthi abanye bathini ngokuba leWolu yoMbuso emphakathini wabo.
OKUMAYELANA LATHI
Imihlangano Yebandla YaboFakazi BakaJehova
Thola ukuthi sikhonzela ngaphi futhi sikhonza njani.