Hatshi kakunjalo. Iqiniso yikuthi sananzelela ukuthi esikukholwayo kakuhambelani lalokho okutshiwo liBhayibhili sasesintshintsha esikukholwayo ukuze kuhambelane leBhayibhili.

 Kanti futhi saqalisa ukuhlola iBhayibhili singakadindi i-New World Translation of the Holy Scriptures ngo-1950. Ngaleso sikhathi sasisebenzisa loba yiwaphi amaBhayibhili ayekhona ukuze asisize sihambelanise esikukholwayo lalokho okutshiwo liBhayibhili. Khangela ezinye izibonelo zalokho esikukholwayo ubone ukuthi kuyahambelana yini lalokho okuseBhayibhilini.

1.   Lokho esikukholwayo: UNkulunkulu, uJesu lomoya ongcwele akulingani. I-Zion’s Watch Tower ka-1882 yathi: ‘Abantu ababala imagazini le bayakwazi ukuthi kasikukholwa ukuthi uJehova, uJesu lomoya ongcwele bangumuntu oyedwa ngoba lokho akukho eBhayibhilini.’

     Lokho okutshiwo liBhayibhili: “UJehova uNkulunkulu wethu nguJehova munye.” (UDutheronomi 6:4, The Holy Bible, kaRobert Young) “Kodwa kuloNkulunkulu oyedwa kuphela, uYise, okwavela kuye izinto zonke njalo okunguye esimphilelayo; leNkosi eyodwa, uJesu uKhristu, ozinto zonke zeza ngaye njalo esiphila ngaye.” (1 KwabaseKhorinte 8:6, American Bible Union Version) UJesu yena ngokwakhe wathi: “UBaba mkhulu kulami.”​—UJohane 14:28, Douay-Rheims Version.

2.   Lokho esikukholwayo: Abantu kabasoze batshiswe esihogweni. I-Zion’s Watch Tower kaJune 1882 yayilesihloko esithi “The Wages of Sin Is Death,” njalo isihloko leso sasithethwe embhalweni kaRoma 6:23. Yathi: “Umutsho lo ulula kakhulu njalo uyazwisiseka. Kuyamangalisa ukuthi abantu abazithi bangamakholwa bathi iBhayibhili lifundisa ukuthi abantu abenza okubi bazatshiswa esihogweni kuze kube phakade.”

     Lokho okutshiwo liBhayibhili: “Umphefumulo owonayo uzakufa.” (UHezekheli 18:4, 20, King James Version) Abantu abangalaleli uNkulunkulu kabasoze batshiswe kuze kube phakade kodwa “bazabhujiswa okulaphakade”​—2 Thesalonika 1:9, King James Version.

3.   Lokho esikukholwayo: UMbuso kaNkulunkulu unguhulumende ongokoqobo hatshi isimo senhliziyo yomuntu. I-Zion’s Watch Tower kaDecember 1881 yathi: “Nxa umbuso lo usubusa uzasusa yonke imibuso ekhona emhlabeni.”

     Lokho okutshiwo liBhayibhili: “Ngalesosikhathi samakhosi lawo uNkulunkulu wasezulwini uzabeka umbuso ongasoze wabhidlizwa lanini: njalo umbuso lo awusoze utshiyelwe abanye abantu. Uzayibhidliza yonke leyo mibuso ibe yizicucu, kodwa wona uzakuma laphakade.”​—UDanyeli 2:44, King James Version.

 Hatshi, ngoba sisebenzisa amaBhayibhili amanengi atshiyeneyo nxa sitshumayela. Lanxa sinika abantu i-New World Translation mahala ukuze sifunde labo iBhayibhili, kasibabambi ngamandla ukuthi bayisebenzise kodwa siyabavumela ukuthi basebenzise awabo.