OFakazi BakaJehova EBotswana Babukisa Amagugu Angafanani Lamanye
IBotswana lilizwe elilemayini yamadayamondi eyenza imali ukudlula wonke emhlabeni. Kodwa kusukela mhlaka 22 kusiya ku-28 August 2016, oFakazi bakaJehova batshengisa abantu e-Botswana Consumer Fair amagugu angcono kulamadayamondi. Amagugu la agoqela amabhuku akhuluma ngeBhayibhili, i-jw.org kanye lamavidiyo akhuthaza ukuba lezimuli eziqinileyo.
Abazali labantwana abavakatshela lapho okwakubukiswa khona amagugu la bathokoziswa kakhulu ngamavidiyo athi Woba Ngumngane KaJehova afundisa ukuthi singazisebenzisa njani izimiso zeBhayibhili. Abanengi babebuza ukuthi bangawathola ngaphi amavidiyo la.
OFakazi banika abantu amabhuku angaba ngu-10 000 futhi abantu abangu-120 bacela ukufundiswa iBhayibhili. Abantu abanengi bamangala kakhulu lapho bebona oFakazi abamhlophe labamnyama besebenza ndawonye.
Iziphathimandla ze-Botswana Consumer Fair zanika oFakazi bakaJehova umklomelo wokuqala ngenxa yokuthi isitendi sabo sasisihle kulezinye.
Nanku Okunye
UMSEBENZI WOKUDINDA
Ukuhambisa Amabhuku Asekelwe EBhayibhilini Ezindaweni Ezitshiyeneyo ECongo
OFakazi bakaJehova bahamba imimango emide inyanga ngayinye ukuze bahambise amaBhayibhili lamabhuku asekelwe eBhayibhilini ebantwini abahlala eDemocratic Republic of the Congo.
INKONZO YOMPHAKATHI
Umbukiso WeBhayibhili Owawungakaze Wenzakale EFrance
Izivakatshi ezazilande i-International Fair eRouen, eFrance zakhangwa ngamabala athi “IBhayibhili—Izolo, Lamuhla, Kusasa.”