Iroli yethula indlwana elegilasi phambili ezasetshenziswa yizethekeli ezizobuka lapho okwakhiwa khona. Izindlwana lezi zaqalisa ukusetshenziswa ngoMay 2017. Kwathi kusiyafika u-August kwasekwethekelele abantu abedlula 17 000.

Izisebenzi zisebenzisa umtshina ukuze zithwale i-concrete zisiyayifaka ezakhiweni zokuhlala eziku-F okuyizo ezizakwakhiwa kuqala. Ngenxa yobukhulu bendawo i-concrete le ingenelisa ukuntshintshwa indlela ehlaliswe ngayo ingazange idilizwe.

Kwakhiwa izindawo zokuhlala ezinhlanu ngasikhathi sinye. Izisebenzi zifaka insimbi ezizaqinisa i-concrete nxa isifakiwe esakhiweni sokuhlala esiku-B. Kwesokudla izisebenzi zithela i-concrete esakhiweni sokuhlala esiku-D. Kwesenxele umtshina uphakamisa i-concrete uyeyifaka lapho okuzakuba le-elevator lama-steps esakhiweni sokuhlala esiku-E.

Isisebenzi silolonga amaphayiphi asanda kuhlanganiswa. Amaphayiphi la ahlanganiswa ngokuncibilikiswa abeselolongwa njalo ahlolwe ukuthi aqinile lokuthi awasoze avuze yini. Kwafakwa amaphayiphi angaba ngamakhilomitha amane futhi yiwo athwala amanzi okucitsha umlilo.

Isisebenzi siklina umgelo osanda kwakhiwa. Imigelo le ivikela ukuthi amanzi angagcwali emgwaqweni kodwa agelezele emachibini. Lokhu kunceda ukuthi kungabi lezikhukhula.

Indoda lomkayo badweba lapho okuzakwakhiwa khona imiduli ye-corridor.

Umfanekiso otshengisa izakhiwo zokuhlala ezinhlanu. Ukufaka i-concrete kwasekuphelile ngoSeptember ikanti umsebenzi wokupenda lokuplasta izindlu zokuhlala eziku-F wawusuqalisile ngapha kusakhiwa lemiduli yaphakathi. Ezinye izisebenzi zaseziqalisile ukumisa imiduli lokufaka amawindi esakhiweni esilezindlu zokuhlala eziku-E. Izindlu zokuhlala eziku-B, lo-C laku-D zona zasezilungiselelwa ukwakhiwa.

URobert Luccioni umsizi weKhomithi Ebona Ngomsebenzi Wokudinda futhi onguye okhangele uHlangothi Lokudweba Amapulani Lokwakha Emawofisini Amakhulu ukhuthaza izisebenzi ngenkulumo yeBhayibhili. Uhlangothi lolu yilo olukhangela konke okulokwenza lokwakhiwa kwamawofisi egatsha kanye lezindleko zakhona.

Izisebenzi zifaka izilebhu kanye lamaphayiphi egasi, e-inthanethi lawamagetsi. Kwesokudla izisebenzi zithela i-concrete ukuze zilungise uthango oluzavikela umsindo.

Iqembu elibona ngezokudweba amapulani lihlola imidwebo ngaphambi kokuqala ukwakha.

Isisebenzi sifaka insimbi zemiduli yangaphandle.

Kufakwa ama-scaffold esakhiweni sokuhlala esiku-E ukuze kubelula ukuthi izisebenzi ziqhubeke ngokwakha umduli wesakhiwo lesi.

Isisebenzi sipenda amawindi ngomuthi othile. Umuthi lo uyawoma ngemva kwesikhathi futhi lokhu kunceda ukuthi amawindi angaphambaniseki njengoba kusakhiwa. Nxa ukwakha sekuphelile umuthi lo uyaxexebulwa.

Izisebenzi zihlola ukuthi amaphayiphi ahambisa amanzi atshisayo ayasebenza yini. Nxa zingathola ukuthi yonke into imi ngomumo ziyathela-ke i-concrete phezulu.

Isisebenzi sihlanyela amaluba ngaphandle kwegedi legatsha. Amaluba la avikela ukuthi kungabi lokhula futhi kuzanciphisa isikhathi sokuwanakekela njengoba esendaweni ekhanga abantu.

Isisebenzi sibethelele insimbi phansi sasesiyipenda ukuze simake lapho okuzakuba lomnyango wesakhiwo. Indawo le yesakhiwo izakuba lekhitshi, ikamela lokudlela kanye lewolu. Isakhiwo esikhanya ngemuva zindawo zokuhlala.

Indoda lomkayo balungisa indawo ezagelezela amanzi ukuze angagcwali indawo yonke obekungabangela izikhukhula. Izindlu zokuhlala eziku-E laku-F ezikhanya ngemuva zigonjolozelwe ngamaplastiki azanceda izisebenzi ukuthi zingabulawa ngumqando ngesikhathi zisebenza.

Isisebenzi sifundisa omunye ukusebenzisa umtshina wokuphakamisa amatshe okucecisa emaphethelweni omgwaqo. Ilitshe elilodwa lingaba ngamakhilogramu angu-70. Nxa amatshe la angafakwa kuyathelwa i-concrete ukuze aqine.

Ngesikhathi iphayiphi ifakwa lapho okumele ingene khona, esinye isisebenzi siyibambile ukuze ingene iqondile. Kudingakala amaphayiphi amanzi angaba ngamakhilomitha amahlanu.

Isisebenzi siquma izitina sisebenzisa umtshina. Izitina lezi eziqunywe phakathi zizasetshenziswa ekwakheni umduli omuhle okuthiwa yi-Flemish bond. Izitina ezizasetshenziswa ekwakheni izindlu zokuhlala zingedlula 300 000.