Umtshina wokugebha inhlabathi uyithela erolini ezayihambisa kweyinye indawo. Lokhu kwenzelwa ukuthi kube lula ukuqalisa ukwakha endaweni le.

Izisebenzi zifaka intambo zamagetsi. Isakhiwo lesi sizakuba lamawofisi kanye lendawo yokudlela okuzasetshenziswa okwesikhatshana ngesikhathi kusakhiwa igatsha.

Kulungiswa umgwaqo oya egatsheni. Ngakwesokunxele kulungiswa ingadi lechibi lamanzi okuzabe kubonwa yizakhamizi lezivakatshi ezifika egatsheni.

I-concrete ethethwe lapho okwakhiwa khona iyabuthwa ukuze iphinde isetshenziswe ekulungiseni imigwaqo ephakathi egatsheni.

Izisebenzi zilungisa imigwaqo ezasetshenziswa ngesikhathi kusakhiwa leminye ezasetshenziswa ngemva kokwakhiwa. Bendlala okuthile okuvimba ukuthi inhlabathi ingakhukhuleki. Kwesokudla iroli igandela umgwaqo.

Amavolontiya atshelwa iziqondiso komunye wemihlangano engu-18 eyenziwa eBritain le-Ireland. OFakazi abedlula 15 000 bangena imihlangano le futhi abanengi bazinikela ekuncediseni ukwakha.

Izisebenzi zifaka umquba esihlahleni. Endaweni le kuhlanyelwe izihlahla ezedlula 700. Ichibi elisemfanekisweni lo lenziwe ngendlela yokuthi linciphise izikhukhula ngokugcina amanzi beseliwakhipha kancane kancane.

Umsebenzi wokulungisa indawo okuzakwakhelwa kuyo uyaqhubeka. Izisebenzi zabutha izibi ezenela amaroli edlula 10 000 asemfanekisweni.

Izisebenzi zilungisa inhlabathi ukuze zenelise ukuhlanyela i-hedge egombolozela indawo okuzahlanyelwa khona izihlahla ezitshiyeneyo. Kuhlanyelwe imihlobo engu-11 yezihlahla lengu-16 eyamaluba.

Umtshina ongakwesokunxele ugebha i-foundation futhi ngemva kokugebha kuthelwa i-concrete. Phakathi laphakathi komfanekiso izisebenzi zifaka insimbi phakathi kwe-concrete etheliweyo. I-concrete le ithelwe emagodini edlula 360.

Isisebenzi sifaka iphayiphi yamanzi emawofisini azasetshenziswa ngesikhathi kusakhiwa.

Umtshina ukhipha izibi echibini. Amachibi amanengi asendaweni le ayesesimeni esibi yikho kwakumele alungiswe. Indawo egombolozele amachibi la yalungiswa ukuze kungabi lokukhukhuleka komhlabathi lokuthi amanzi angagcwali kakhulu besekubangela izikhukhula. Inhlanzi ezedlula 2 500 zakhutshwa echibini leli zafakwa kwamanye lingakalungiswa.

Kulungiswa i-foundation yezakhiwo ezimbili zalabo abazahlala eBhetheli. Kwesokudla amaphowulu asekela i-foundation asefakiwe ikanti kwesokunxele asafakwa. Phakathi laphakathi komfanekiso kusagejwa i-foundation.

Isisebenzi sifaka umuthi ovikela ukuthi amanzi angangeni esivalweni. Izivakatshi zeBhetheli zizenelisa ukubona okuphathelane lokwakha lokuthuthuka komsebenzi owenziwayo zisendaweni ephezulu.

Kuhlanganiswa umtshina ozabe uncedisa ukuthwala izinto ezisindayo. Umtshina lo ungamamitha angu-40 ubude njalo uthwala izinto ezingamathani angu-18.

I-concrete iyaqunywa ukuze ingabinde kakhulu. Insimbi ezithutshayo ku-concrete zizahlanganiswa nxa sekusakhiwa.

Izisebenzi zifaka isayini ye-JW.ORG emdulini osegedini legatsha.

Umgwaqo oqonda egatsheni usulungisiwe. Kwesenxele womabili amasayini e-JW.ORG asefakiwe. Nxa ichibi lengadi sekuphelile ukulungiswa kuzacecisa indlela eqonda egatsheni.

Umtshina othwala izinto ezisindayo uyenelisa ukuthwala izinto ezikhatshana ngamamitha angu-65 ukusuka lapho okhona. Izisebenzi zifaka i-foundation endaweni yokupaka izimota ezabe ingaphansi kwesakhiwo esizahlala imuli yeBhetheli. Insimbi zokuqinisa isakhiwo sezifakiwe futhi sokulindelwe ukuthi kwakhiwe imiduli yesakhiwo.