Izisebenzi zihlanganisa izitina eziqunyiweyo ukuze zakhe umduli ozavala insimbi eziphakathi kwesakhiwo.

Isisebenzi sisebenzisa imitshina emibili ukumaka lapho okuzakuba lomduli waphandle esakhiweni lesi. Ezindlini zokuhlala eziku-F ezikhanya ngemuva kufakwa izinto ezitshiyeneyo ezibaziweyo.

Owesifazana ufafaza amanzi emdulini oplastiweyo ukuze awutshiye ubukeka. Amanzi abawasebenzisayo bayabe bewathethe emtshineni othiwa yi-dehumidifier futhi lokhu konga amanzi. Baphinda bawasebenzise ukuvuba isamende yamathayili.

Izisebenzi zilungisa lapho okuhlangana khona imigwaqo phandle kwezindlu zokuhlala eziku-E.

Indoda eleminyaka engu-71 yakha umduli wangaphandle. Selokhu kwaqalisa umsebenzi lo sokuncedise oFakazi abedlula 100 abaleminyaka engaphezu kwe-70. OFakazi laba bazingcitshi emisebenzini etshiyeneyo.

Umfanekiso otshengisa izakhiwo ezisentshonalanga. Zonke izindlu zokuhlala zizahlanyelwa izimila ezitshiyeneyo phezu kophahla oluzakwakhiwa ngobunono obukhulu. Izimila lezi zizanceda izinyamazana, zehlise izindleko zamagetsi futhi zibambe lamanzi ezulu. Igceke elilapha litshengisa lapho okuzakwakhiwa khona izindlu zokuhlala eziku-A lamawofisi.

Izisebenzi zifaka umgubazi. Imigubazi lezivalo kulethwa lapho okwakhiwa khona sokulungiswe kwaqedwa. Lokhu kwenza kube lula ukuthi kufakwe masinyane.

Ngesikhathi santambama izisebenzi zifaka insimbi ezizaba yisisekelo sesakhiwo. Umfanekiso ophakathi utshengisa izisebenzi zifaka insimbi emagodini asanda kuthelwa i-concrete angamamitha angu-20 ukutshona. Umfanekiso ongemuva utshengisa izindlu zokuhlala eziku-B.

Isisebenzi sifaka insimbi ezizabamba amaphayiphi athwala amanzi atshisayo. Ophahleni kufakwe okunye okwenza ukuthi ezindlini zokuhlala ezisesakhiweni lesi kungaqandi kakhulu.

Indoda ilungisa umduli oplastiweyo ukuze kufakwe okuthile okuzawucecisa. Umtshina lo uyenelisa ukuhotsha phose lonke uthuli olusemdulini.

Izisebenzi zilungisa umgwaqo oya lapho okusuka khona amaphayiphi egasi. Esinye isisebenzi sitshisa loba yini engabe ingafunakali lapho okuthelwe khona i-concrete futhi senza izikhala okuzakhula khona utshani. Nxa sobukhona kuzavikela ukukhukhuleka komhlabathi.

Izisebenzi zipenda ikhitshi.

Izisebenzi zidiliza ama-scaffold ukuze ziyewafaka lapho ezizakwenelisa khona ukwakha ama-balcony. Amaphayiphi abomvu alomoya otshisayo onceda ukomisa phansi, imiduli eplastiweyo lependiweyo ngesikhathi somqando.

Isisebenzi sinamathisela ikhaphethi emdulini. Ikhaphethi le iklineka lula njalo ayigugi masinyane lanxa isendaweni ehamba abantu abanengi. Abantu abakhanya ngemuva bayapenda.

Izisebenzi ziba lomhlangano zingakaqalisi umsebenzi wazo. Obakhokhelayo ugcizelela ukuqakatheka kokuvikeleka futhi ubaxwayisa ngezinto ezingaba yingozi. Izisebenzi ezivela kumadiphathimenti atshiyeneyo zancedisa ukuklina izindlu kungakabuyi abantu abazohlala.

Izisebenzi zifaka ama-balcony zisebenzisa umtshina. Umbala wama-balcony la wenza kube lula ukunanzelela izakhiwo lezi futhi uhambelana lombala wamaluba ngesikhathi sentwasa. Emfanekisweni ongemuva otshengisa izindlu zokuhlala eziku-E kuzaqala kukhitshwe amaplastiki kungakadilizwa ama-scaffold.

Indoda lomkayo abasebenza ukwakha bathutha izinto zabo besiyazifaka ku-F ophele ngayizolo kwakhona. Ukuhlala kwezisebenzi endaweni le kuzakwehlisa indleko zokugada futhi kwenze lezisebenzi zingadinwa kakhulu ngokuhamba.

Izisebenzi zithela i-concrete phezu kwesilebhu sokuntambama. Isakhiwo esikhanya ngemuva yizindlu zokuhlala eziku-B.

Indoda lomkayo baquma itafula yekhitshi ngomtshina ohotsha uthuli. Ukuqumela amaplanka endaweni azafakwa khona kunceda ukuthi angaqamuki nxa esethwalwa.