Ukuba ngcwele kutsho ukwehlukaniswa ukuze ungangcoliswa yilutho oluthile. Ibala lesiHebheru elihunyutshwe ngokuthi “ngcwele” livela ebaleni elithi “yehlukanisa.” Lokhu kutsho ukuthi into engcwele itshiyene lezinye izinto ngoba ihlanzekile, ayilasici futhi iqakatheke kakhulu.

 Akulamuntu loba ulutho olungcwele ukwedlula uNkulunkulu. IBhayibhili lithi: “Kakho ongcwele njengoJehova.” a (1 USamuyeli 2:2) Yikho kufanele ukuthi uJehova kube nguye ositshelayo ukuthi kuyini okungcwele.

 Ibala elithi “ngcwele” lingasetshenziswa kuloba yini elokwenza loNkulunkulu, kodwa ikakhulu ezintweni ezisetshenziselwa ukumkhonza. Ngokwesibonelo iBhayibhili lisitshela:

•   Ngezindawo ezingcwele: Ngesikhathi uMosi eseduze lesixuku esasibhebha uNkulunkulu wathi kuye: “Indawo omi kuyo ingumhlabathi ongcwele.”​—U-Eksodusi 3:2-5.

•   Ngemikhosi engcwele: Ama-Israyeli ayesiba lemikhosi ebizwa kuthiwa ‘yizinkonzo ezingcwele.’​—ULevi 23:37.

•   Ngezinto ezingcwele: Izinto ezazisetshenziswa ethempelini eJerusalema zazibizwa kuthiwa ‘yimiceciso engcwele.’ (1 AmaKhosi 8:4) Lanxa ama-Israyeli ayengazikhonzi izinto lezi, kwakumele azihloniphe sibili. b

 Ye. IBhayibhili lithi: “Yibani ngcwele ngoba mina ngingcwele.” (1 UPhetro 1:16) Liqiniso sibili ukuthi abantu ngeke babengcwele njengoJehova, kodwa nxa bemlalela bangenelisa ukuba ‘ngcwele’ futhi ‘bamthokozise.’ (KwabaseRoma 12:1) Umuntu ongcwele ukhanya ngendlela enza ngayo lakhuluma ngayo. Ngokwesibonelo ‘uyaxwaya ukuxhwala kobufebe’ futhi ‘ungcwele kukho konke akwenzayo.’​—1 KwabaseThesalonika 4:3; 1 UPhetro 1:15.

 Ye kungenzakala. UNkulunkulu ngeke ambone njengongcwele umuntu ongamlaleliyo futhi ongaziphathi ngendlela ayifunayo. Ngokwesibonelo ibhuku lamaHebheru nxa likhuluma ngabazalwane lithi “bafowethu abangcwele” futhi liyabaxwayisa ukuthi kungabi ‘lolenhliziyo yokona lokungakholwa, ephambukayo kuNkulunkulu ophilayo.’​—KumaHebheru 3:1, 12

 Okungaqondanga: Ukungatshadi kwenza umuntu abengcwele kakhulu.

 Okuqondileyo: Amanye amaKhristu angakhetha ukuhlala engatshadanga, kodwa ukungatshadi ayisikho okwenza abengcwele. Liqiniso sibili ukuthi amaKhristu angatshadanga anqinekela ukukhonza uNkulunkulu engaphanjaniswa yilutho. (1 KwabaseKhorinte 7:32-34) Lanxa kunjalo iBhayibhili litshengisa ukuthi lalabo abatshadileyo bangabangcwele. UPhetro owayengomunye wabafundi bakaJesu wayetshadile.​—UMathewu 8:14; 1 KwabaseKhorinte 9:5.