BASA ROKUZVIPIRA: Kudai mukada kuzvipira kuti mubese pa mabasa o pa gungano, tapota zivisanyi Cikwata co Basa lo Kuzvipira.

BESERO LO KUTANGA: Tapota, zivanyi kuti cikwata ici cinobesa vanoda kuraphwa ngo kukasika basi.

MUPIRO: Kuti pa gungano pano pave no pokugara pakanaka, mucini wo kuengejera izwi, mucini unowosa vhidhiyo, no mabasa amweni akaizwa kuitira kuti gungano rino rive rinodakajisa no kutibesa kuti tive phedo na Jehovha, pakashandiswa mare yakawanda. Mupiro yenyu yo kuzvipira inobesa kusapota basa rese raizwa pa gungano pano uye no mabasa amweni anoizwa pasi pese. Pandau ino, pano mabhokiso akakandwa pandau yakasiyana-siyana kuitira kukanda mu mupiro uye arikunasa kuwoneka. Mungaitazve mupiro yenyu online, mungangena mu saiti yedu pakanyorwa kuti donate.pr418.com. Mupiro yese inobongwa maningi. Dare Rinotungamirira rinobonga maningi ngo kukova kenyu ngo mweyo wese pa kubesa basa lo Umambo.

POKUGARA: Tapota reremejanyi vamweni. Musakanganwa kuti zvituru izvi mungazvibatira basi vandhu vo pa mbhuri yenyu, vamunovha navo, vamunogara navo pamuzi kana kuti vamunojija navo Bhaibheri. Tapota, musakanda zviro muzvituru zvamusito kubatira ari wese.

RUBHABHATIJO: Kunja ko ulongwa umweni, zvituru zvo varikuda kubhabhatijwa zvinozonga zviri ngo kumberi ko cikuva. Vaya varikuda kubhabhatijwa, vanodikana kugara pa ndau yovakanasiririrwa hurukuro yo rubhabhatijo isati yatanga ngo Muguvera comangwanani. Umwe nga umwe wovarikuda kubhabhatijwa, unodikana kuviisa thaura no nguvo jokubhabhatijwa najo jisikapseruji jikacururika.

VANGWARIRI: Vakagajwa kuti vamubese. Tapota vazwirenyi ngo kuteveja ndhungamiro, kudai vakamukhombija po kukanda zvihambiso, po kungena no po kubuda ndipona, po kugara no zvimwenivo.

ZVALASIKA UYE ZVOBOJWA: Zviro zvese zvakabojwa zvinodikana koosiiwa ku Cikwata co zviro Zvalasika uye Zvobojwa. Mukalasa ciri cese, endanyi ku cikwata ici koovhunjisa. Vana vanosiya vabereki vavo volasika vanodikana kwendeswa ku cikwata ici. Asi, cikwata ici musaciwona inga ndau yo kukorondha vana vadoko. Tapota ngwariranyi vana venyu ngo kugara navo.